Pasal khatin Porn Video a etkawm in azahmawh leh apumpi temtawh kuikekgawp

Pasal khatin Porn Video a etkawm in azahmawh leh apumpi temtawh kuikekgawp

Thai gamsung aom pasal khatin zahmawhvai akihel Porn Video a etkawmkawm in ama pasal zahmawh pen temta tawh kuikekgawp ahih manin zato kipuak cih Daily Mail pan kiza hi.

Tuapa pen Thailand, Bangkok, Khet Nong Chok District sung aom Apartment khat ii inndawl 4 Floor ah aomkhat ahihi. Nungkalsung in thupiang hi a, tuapa minpen Whisanu Srisanao kici a, kum 30 aphakhin khat ahihi.

Ama omna inndei Apartment sungah Smartphone sungpanin Porn Video enkawmkawm in, a Video etin alungsim kilamdang sakgawp in Excite lua in tuabangin agamta kici hi. Tuabangin gamtatna pen Sadomasochism kici a, alungsim kizolo te ii gamtatzia kici hi.

Ama pumpi leh apasal zahmawh te temtawh kuikekgawp in siliang zihziah hi. Azahmawh panin siluangkhia ziahziah in, kangtheilo in aom ciangin amahzong patau mahmah in, acihnading atheihnawnloh ciangin zato Paramedics te sampan hi.

Doctors te zan 10:45pm hunpawl in tung uh a, tuapa pen amahguak inndei sungah aguaktang in tu in, azahmawh leh apumpi teng liamgawp in sisan luangkhia kawikawi hi.

Tuapa genkhiatna ah hihbangin agamtat khakna pen Porn Video a etnahang hi a, tuabang Video abawlkhia te mawhna hi cisawnsawn hi.

Paramedic te atun ciangin athu adot hangin hoihtak gencian nuamlo in, ahi zongin Porn Video ka etna hanghi ci’n genkhia vevesam hi.

Tua aliamma tengtawh akibawlding in Hospital ah kipuaksuak hi. Bangkok City sungaom Hospital Navamin 9 ah akibawl khitciangin nung Tuesday ni in zato pan kituaksakkhin cih kiza hi.

More: Cartoon Video etteh in naupangno khat inndawl 10 na panin Kawllukhu tawh lengkhia

Korea Drama ahi zongin, Superman Video, Spider Man Video cihte etluatna leh Video sungah lungsim lutsakluatna hangin siatna piangthei cih phawk huaihi. Naupang pawlkhat Superman leh Spider Man Video khawng a etkhit uhciangin inntung khawngpanin alenkhiat sawmkhawngzong omngei kici hi. Sawltak #zomidaily