Nang na lam-en hiam? Ken bel umlo

Nang na lam-en hiam? Ken bel umlo

Neih le lam, sum le paai, thugui thatang bei keei lo, a muk a kam leh laikawi khat beek tawh midangte pilzawk theihzawk nading leh hoih zawkna ding a gen a gelh ngeilo mipil kicite in mipi ading nahoih ong sem ding in na lem-en teitei hiam?

Mipilte in a gen ding uh tampi thei in, gen ding hau mahmah uh a, a ciimte in a pelh ding uh muthei mahmah uh hi. Pil leh ciim a thuahte in gen ding leh genloh ding thei uh hi. Mihaite leh mi gilote’ tung pan thuhoih za ding in na kilam-en hiam?

Itna, Deihsakna, khualna leh lung hihmawhna in mi daikhong theilo sak a, pilna tawh a kithuah kei leh kha velval thei napi, pilna leh ciimna tawh a kithuah leh khum in nel ngiingeei thei hi. A nihtuak un a ngimna bel a kibang hi bilbel hi. Itna omlo pi in deihsakna na lam-en ngam hiam? Khualna omlo pi in lung hihmawhna ngah ding na lam-en teitei hiam?

Mihaute leh Pilna neite tung ah huhna leh hehpihna leiba bang a siik pongna pen bangmah ong balo pi khat tung a sumsiik tawh kibang hi. Na deih ngah ding in na kilam-en hiam?

Thomas Edison in “I have not failed. I’ve just found 10,000 ways that won’t work.”.. ci hi. Seploh ding leh a kimang lo ding tulsawm a theipa mipil ahi hi.

2020 kitel ciang MP sem nuam, Gam leh Nam it phulum phul ong bang ding hi. Tu a kipan beek in khuadak in en giaugiau dih ni e.. Zawl leng molhtum tawh kuan omlo hi. Khemna tawh i kipelh nading in thu ngen ni. Pau Khat Suan