UNHCR ZUM AH COMMNUNITY NUMEI MAKAI TE MEETING KINEI
28-02-2018 ni zingsang 9:30 am- 2:30 PM dong Leadership, Team work and Negotiation cih thulu tawh numei makai teng meeting hong neihpih a, ZAM pan in 2 ki hel thei hi. Meeting hong neihpih ma un Remedy tawh ki sai hong kuppih in community member ten lei hamtang dingin na hanthawn un banghang hiam cih leh UNHCR in sum nei nawn lo nidang bang in huh na hong ki pia zo nawnlo ding ahih ma in Insurrance pen lei hamtang ding cih hong hanthawn uh hi.
Tuakhit ciangin “Good Teamwork” cih thulu hong pia uh a, anuai a 1. Communication 2. Respect 3. Participation hih thulu neu teng tawh ki tuak in atuamtuam in hong ki mawlpih uh hi.
Malaysia CLU / UNHCR te vaihawm siamna tawh 02-03-2018 zingsang 9:30 pan 12:00 sun dong “ Positive Parenting” cih thulu tawh meeting hong neihpih leuleu uh a , Nupi khat hi leng tate tawh kizop dan atam theipen koici nageel hiam cih mipi lam ah dotna hong bawl a, mipi in lungsim a gel dan tek tawh kidawng in atawpna ah Tate in Nu leh Pa tungpan lamet na tampi hong nei uh a, Nu leh Pa in tate itna koici lah / pia thei ding hiam cih hihbangin honggen hi. 1. Give your time ( nahun pia in)2. Relationship ( kizopna thupi sak in )3. Hygiene (Siangthona) 4. Selfcare ( Ki kepsiamna) cihbang a tuamtuam kician takin hong hilh uh hi. A tawp ah PUNISHMENT (Danpiakna) tawh kisai in nam 4 in hong khen a
A. Affective punishment – Dan cih limlim khat ih kipiak ciangin naupang, Picing leh ganhing nangawn in danpiak thei uh hi.
B . Positive Punishment – Praise , Love and Behavior ( phat den ding ) Naupangte pen phat ut mahmah uh ahih manin nakhat peuhpeuh a sep uh ciang in phat den ding banghang hiam cih leh mihing te pen it thei, lungdam thei ih hih bangmah in naupang te zong phat ding , it na lah ding zong ut mahmah uh hi.
C. Unhealthy Punishment: Naupang na sat leh sawtpi hong khom ding hi ( Mangngilh lo dinghi ) eg.Inn pan pia khia, Mihai cihkhawng kampau tawh zangkha ngei kei in.
D. Healthy Punishment : Gentehna naupang khatin aktui kitam sak lawmlawm liang, leipah na kitapsak man, ahizong in tai bawl masa kei in aktui ki tamsak ahih leh zong awnem tak tawh boih paai o, or siangsak in , aktui kitam thei mah hi keiman siak ning cihtawh ahi zong in awdam tawh naupang te itna lah tawntung ding thupi sak mahmah uh hi.
***Tua ahihmanin tuhun tawh kizui a naupangte pahtah siam mahmah hun ahih manin nulepa ten naupangte kumcing nailo peuh mah in ZAM ah nong puak, nong zaksak hamtang nading un itna lianpi tawh hong zasak phapha ung.
UNHCR ZUM AH NA PIAKSA PHONE NUMBER KOI CI LAIH DING?
Malaysia UNHCR zumpi ah napiaksa Phone Number nalaihnop leh zumah napaitektek kul nawnlo in kilaihziau thei ta hi.
1) Amasa in na UN Card tungah akigelh “UN Family Number” leh “UNHCR Individual Number” te hoihtak en cian masa in.
“UN Family Number” cihpen innkuanbup in akibangpen hi a, hih Number lakah “C” kihel dinghi. Gentehna: 354-10C12345 “UNHCR Individual Number” cihpen mikhat tek in atuamtek akinei hi a, kibatpih omlo dinghi.
Gentehna: 354-12345678
2) Na Phone sungah SMS anuai abangin gelh in.
PHONE<space>UN Family Number<space>UNHCR Individual Number<space>Phone Number athak
Gentehna:
PHONE<space>354-10C12345<space>354-12345678 <space>0183542928
Theihding: <space> akici pen amal in gelhding hilo a, na Phone sungah SMS nagelh ciangin laimal halding cihna ahihi. Hihdan in laimal hal in gelhin:354-10C 12345 354-12345678 018354292
3) Atung abangin SMS nagelh khitciangin 01117225222 ah SMS khak in.
4) Na SMS khakpen nagelhdan adikleh hih anuai abangin na Phone sungah SMS hong lutkik dinghi.
RM0.00 Thanks for submitting your new contact details to UNHCR Malaysia, we will notify you within 7 days if the update was successful/failed.
5) Na SMS khakpen nagelhdan adiklo aomleh hih anuai abangin na Phone sungah SMS hong lutkik dinghi.
RM0.00 Your request to update contact details has failed. Please try again. UNHCR Malaysia
6) UNHCR zumpi panin na Phone Number hong laihsak khit uhciangin anuai abangin SMS hongkhakding uhhi.
RM0.00 Your new contact number has been successfully updated. Thank you. UNHCR Malaysia
A video tawh et nop leh : https://www.youtube.com/watch?v=OCBSGn4Fgbg&t=17s (Kawllai tawh)
https://www.youtube.com/watch?v=2a6ZPBlDud4 (Mikang pau tawh)
Phone Number laihdingbek lelin, hun mawk beisak kul nawnlo hi. ***A zenzen in na hih theih kei leh ZAM zum ah hong pai in.
ZAM ZUM AH HONG HAWH Spicer University, Pune ah Music Professor a sem Muangmuang in Malaysia hong zin sungin Zomite a it a veina tawh kizui in ZAM zumah hong hawhin thapiak na leh thungetsak na hong neih a hih manin kilungdam mahmah hi. Topa’n siapa hong zang semsem tahen.
ZAM ZUM AH HONG HAWH Tualeng khuami, Munlai AG ah Youth Pastor a sem Sia Pau Kam Nang in Malaysia hong zin sungin Zomi te a it a vei na tawh ki zui in ZAM zumah hong hawhin thu ngetna hong neihsak ahih manin ki lungdam mahmah hi. Topa’n a thupha tawh hong tuam semsem tahen.
ZAM ZUM AH HONG HAWH Tungzang Khua hausa Pa Gin Cin Thang in Malaysia hong zin sungin Zomi te a it a vei na tawh kizui in ZAM zumah hong hawh in thungetna hong neihsak ahih man in kilungdam mahmah hi. Topa’n a thupha tawh hong tuam semsem ta hen.
ZAM ZUM AH HONG HAWH ZAM Palai Sm Ciicing I nu leh pa leh a teeknu te ahi Pa Thawng Za Kap, Nu Don Sian Man, Nu Nem Kho Hat te ZAM zum ah hong hawhin thungetna hong neih sak uh ahih manin kilungdam mahmah hi. Topa’n a thupha tawh hong tuam semsem ta hen.
WELCOME TO ZAM : Kawlgam, Vaigam, tuipigal leh gam tuamtuam pan Malaysia ah hong zin Zomi makai te’n Zomi zumpi ahi Zomi Association of Malaysia(ZAM) ah nong hawh/phak hamtang nading un itna lianpi tawh kong zawn uh hi.
ZAM ZUM AH HONG HAWH Pa Thang Sian Mung- Phaiza, Zolia Sancing pa in Zomi te a it a vei na tawh kizui in ZAM zumah hong hawh in thungetna hong neih sak ahih manin kilungdam mahmah hi. Topa’n a thupha tawh hong tuam semsem tahen.
Hih sungah kihel in van hong la nailo te in ZAM zum ah 9:00AM-6:00PM sungin na leina laidal uh tawh hong pai in hong la un. KIMAT KIHEN NA TUAK LEH : Sia Tuang Pu 016 254 4093, Sia Go Mang 018 202 1216
KAWLGAM KICIAH SAK THEI Nu Dim Ngaih Khawm leh a ta Lian Deih Piang te Tanah Melah Camp pan in 27-02-2018 ni in kawlgam kiciah sak thei hi. Amau nuta ciah na ding pen USA a om Lasiam Nu Toih te innkuan huhna sum tawh a kivai hawm sak ahihi.
Akicing akicianzaw in ZAM Thupuak PDF File >>>
ZAM ZUM AH THUNGETNA OM DING Hongtungding Saturday 10-03-2018 11am a kipan ZOMI’ TANGMI THUNGET PAWL te makaihna tawh Zomibup a ding thungetna om ding ahih manin, a gamla a nai cih omlo thungetna ah hong kihel kimciat na dingun zahtakna lianpi tawh kong zawn uh hi. Contact person : Siamah Ciin Ph. No.: +60182688752
ZOMI TE A DING NASEP
Wanutama Center Point Chinese Restaurent sai ah Kitchen ah Pasal 2 ki nawhdeih. Nasep hun-7am-7pm, nai1 khawl. Omna pia- Anvaak. Khasum-Rm1300 Offday- Kal1 Khatvei Off
Sunway pyramid Steamboat ah semding Kitchen helper Pasal2 leh inn maitai’ding 2 ki nawhdeih. Nasep hun – Nai10 sung. Omna pia – An vaak. Khasum-Rm 1500 Offday-Kal1 khat vei Off. Mikang pau tawmtawm pau thei ding
Tama Desa ah sen Ansai ah Ankan/Mehkan siam khat ki nawh deih. Nasep hun- Nai10. Omna pia -Anvaak Khasum-Rm2000 tungsiah. Offday-Kal1 khatvei off Nasep tawh kisai :Sia Khuppi – 016 3838 014, 011 3563 2059
Comment piaknop aomleh...