Philippines, Basilan Island tungah Bomb puakkham in mi 10 si

Philippines, Basilan Island tungah Bomb puakkham in mi 10 si

Philippines gamsung Security Check Point khatah Van mawtaw khat puakkham in mi 10 si cih CNA pan kiza hi. Southern Philippines gamsung ah tuni Tuesday ni in thupiang hi a, President Rodrigo Duterte in Mindanao Region sungah Autonomy Law atangko khitzawh azingciangin hihbangin buaina thusia apiang ahihi.

Tua asi te lakah atamzaw pen Citizen Auxiliary Forces Geographical Unit (CAFGU) kici mi 5 kihel in, tuaban ah galkap 1 leh khuasungmi Civilian mi 4, avekin akigawm in mi 10 asi ahihi.

Phipppines kumpi thunei galkap te’n a upmawhna ah tua apuakkham Van mawtaw sungah IEDs kici “improvised explosive devices” honkhat kipua hiding ci uhhi. Tua Van mawtaw pen Basilan Island aom Lamitan City zuandingin apaisawm hi a, tua apuakkhamthei van te pen Terror Attack bawlnadingin akizatsawm kici hi.

Philippine Armed Forces panin alianpen Chief Staff General Carlito Galvez Jr in agenkhiatna ah tua asi galkap khatleh CAFGU Member tepen galhang mahmah uhhi, amau hangin mi tampitak asihding ahunkhia uhhi ci’n pahtawina genkhia hi.

Press Statement ah agenkhiatna ah tua Van mawtaw sungah apuakkhamthei IEDs van honkhat akipua hi a, Lamitan City zuanin apai laitak in, galkap khatleh CAFGU Member te’n amauluang piakhia in akhaktan uh ahihi ci’n genkhia hi.

Tuaban ah ih galkap te ih pahtawi kawmkal ah tuabangin gitloh gamtatna abawlsawm, mawhneilo khuasungmi tampi asihtheih nadingin avaihawm, midang tampi athahsawm migilo te ii gamtatna pen nakpitak in ih mawhsak hi ci’n genbeh hi.

Video: Ten people died on Tuesday (Jul 31) when a van exploded at a security check point in the southern Philippines just days after President Rodrigo Duterte enacted an autonomy law to bring peace to the conflict-torn Mindanao region. One soldier, five members known of the Citizen Auxiliary Forces Geographical Unit (CAFGU) and four civilians were killed. 

Tua apuakkhamthei IEDs van apua mawtaw pen Seucrity Check Point ah zingsanglam 5:50am hunpawl in anawkkhak ciangin ki khawlsak hi. Tuaciangin Security Forces te’n limtak sitcianna aneih laitak in apuakkham ahihi.

Philippines Military te genkhiatna ah hihpen Suicide Bomb hiloding ci uh a, ahi zongin tuahsiatna ahang, apuakkhamzia cihtepen limtak aki kanciansan laitak ahihi.

More: Indonesia gamsung aom biakinn 3 ah Bomb puakkham, mi 6 si in 35 liam

Hih apuakkhamthei IEDs aneite pen Basilan City phualsah in aom Abu Sayyaf Group (ASG) kici migilo te neihsa, vaihawmna hiding in ki ummawh hi ci’n Western Mindanao Command panin Spokesman Lieutenant-Colonel Gerry Besana in genkhia hi. Sawltak #zomidaily