Zeisu Lianzaw ~ JK Kam

Zeisu Lianzaw

Na khempeuh ii pianna leh bulpi Pasian ahih manin,
Na khempeuh sangin abawlpa Pasian (ZEISU) lianzaw hi.

1) Nikha – aksi, planets – universe sangin ZEISU lianzaw,
2) Leitang leh tuipi kigawm (Earth & Oceans) sangin ZEISU lianzaw,
3) Leitung bup (The World) sangin ZEISU lianzaw,
4) Leitung minam khempeuh (All Human Races) sangin ZEISU lianzaw,
5) Leitung kumpi gam khempeuh (All Nations) sangin ZEISU lianzaw,

6) Gam uk kumpi khempeuh (All Governments) sangin ZEISU lianzaw,
7) Leitung milian thunei khempeuh (All Powers) sangin ZEISU lianzaw,
8) Continent lakpan alianpen Asia continent sangin ZEISU lianzaw,
9) Ka gam ahi Union of Myanmar (Kawlgambup) sangin ZEISU lianzaw,
10) Ka state ahi Chin State (Zogam) sangin ZEISU lianzaw,

11) Ka minam ahi “Zomi” sangin ZEISU lianzaw,
12) Ka pawlpi ahi Baptist Church sangin ZEISU lianzaw
13) Ka pianna khua ahi Pyidawtha sangin ZEISU lianzaw,
14) Ka innkuan sung miteng sangin ZEISU lianzaw,
15) Ka kimlepam – nasep silbawl – maban teng sangin ZEISU lianzaw,
16) KEI mahmah sangin ZEISU lianzaw hi.

(a) A tunga teng serial number zui-in alianpen pan aneupen hi a,
“KEI” pen mimal khat bek hi-in a niampen dinmun a om hinapi,
ki neupen sak zoloin “ZEISU” nangawn sangin lianzaw pahpah hi.
(b) A neu penpen ding “KEI” pen neupen theilo ahih manin
A lianpen ding “ZEISU” lianpen theilo hi.
(c) “Zeisu” sangin “KEI” ka liat sakzawk simin buaina piang a,
“Kei” sangin “ZEISU” ka liat sakzawk simin nopna om hi.
(d) “Kei” sangin “ZEISU” liansak zaw thei tek hilehang
“Kei” pan a tungsiah teng sangin zong “ZEISU” lianzaw thei pan ding hi.
(e) “All Universe” sangin Zeisu lianzaw sak thei napi hangin,
Aneupen “KEI” sangin Zeisu liatsak zawk ding hamsa kisa zaw hi.