Karenni Refugee Camp khat meikang
Tuesday ni in Kawlgam nisuahnalam Thai gamgi aom Karenni Refugee Camp meikang ahih manin, mi tampitak omnading belhnading neilo in om uh cih RFA News pan kiza hi. Hih meikatna hangin asi leh aliam kuamah omsamlo a, ahi zongin mi tultampi giahphual tanlawh uh ahih manin lungkhamhuai mahmah hi.
Refugee Camp pan makaite genkhiatna ah Block No. 1 panin inn 96, Block 2 panin inn 56 akigawm in inn 152 bang kangtum cimawk hi. Tu in tua in 100 val ah aom ngeiteng in belhding neinawnlo uh a, cimawh mahmah uhhi.
Tua ahih manin belhtheih nading sanginn, vanzuakna Store Building, zum inn cihte ah belhtheih bangin belphot uh a, neklehdawn zong cimawh mahmah uhhi.
Meikat kipat pen 11:15am hun in akipan hi a, nai 2 sungbang kangngekngek hi. Akat kipatcilna ahang taktakpen ki theizo nailo cihi. Hih meikat hangin Refugee Camp sung aom mi 700 val in gentheih hamsat tuak uhhi. ZD Sawltak #zomidaily
Comment piaknop aomleh...