Malaysia gamsung PPR innsaap vaitawh kisai UNHCR pan zaksakna

Malaysia gamsung PPR innsaap vaitawh kisai UNHCR pan zaksakna

Malaysia gamsung ah kumpi vaihawmna tawh akilam, innsaap atawmman zawdeuh tepen Malaysian gammi tebek aomnading in aki vaihawm ahihi. Abeisa June 05 ni inzong Housing and Local Government Minister in tangkona neikhia a, tua PPR (People’s Housing Project) Unit ah innsaap gamdangmi te kha 3 sungin aki hepkhiatding uh genkhiatna neikhin hi. PPR inn anei innteek te’nzong gamdangmi te asaapsakkhak uhleh amanlangin kha 3 sungin ahawlkhiatding agenkhiatsa ahihi. (PPR = Program Perumahan Rakyat)

Tua hehpihna hunsung “Grace Period” pen kha 3 sungbek hi a, June 05 ni in agenkhiat ahih manin, tuazawh kha 3 hileh September 05 niciangin acingziauding hita hi. Tua kha 3 sungin PPR innsaap gamdangmi khempeuh amanlangin ki hepkhiat dingin aki zasakkhin hi a, azenzen in kha 3 acinkhit ciangin aki hemkhialo tepen kumpi thunei te’n Operasi lutsak in hawlkhiading, thu kibawlding cihi.

UNHCR thunei te’n hihvai tawh kisai in kumpi thunei Ministry akisaikha te tungah adot uhciangin hihpen UNHCR Card atawi PPR Flat sungah innsaap khempeuh tawhzong kisai hi ci’n genkik uhhi.

Tua ahih manin PPR Flat ah innsaap in aomkha na mipih te uh amanlangin aki hepkhiat nadingin na zasaksawn un ci’n UNHCR (CLU) te’n zaksaksawnna tuni in hongneita uhhi. Tua ahih manin, PPR Flat/ Unit asaapkha nameltheih tanau, na mipihte buaina aomloh nadingin amanlangin aki hepkhiat nadingun na zasaksawn ciat un.

Note: PPR Flat/ Unit cihtepen bangcidan innte hiam cih natheih ciannop taktakleh naveng napaam te nadongziau in. Vengsung hausa upa te’n kiciantak in honggentheilua mahmahding uhhi.

Community Messaging on New Ruling On Eviction of Foreigners From PPR Flats

On the 5 June 2018, the Housing and Local Government Minister announced that a 3 months grace period will be given to PPR (People’s Housing Project) unit owners to evict any foreigner tenants from their premises after which the Ministry will launch enforcement operations to evict the foreign tenants once the grace period ends.

Upon enquiry with the relevant Ministry, UNHCR was informed that this enforcement will also impacts any persons of concerns to UNHCR who are residing in the PPR flats.

We highly appreciate your attention and assistance to inform your community to enable individuals currently residing in PPR flats to take necessary action.

Malaysia kumpi vaihawmna PPR innsaap gamdang mite hawlkhiat ki panpanta

Malaysia gamsung ah PPR akici “People’s Housing Project” innte pen kumpi vaihawmna tawh innsaap atawmman zawdeuh hi a, Malaysian gammi tebek aomnading in avaihawm uh ahihi. Nungdiak in Housing and Local Government Minister Zuraida Kamaruddin in PPR innte asaapsak sawnte pen aki hepkhiat hunding kha 3 bek ahun kipiading hi ci’n tangkokhia khinhi.

Tulian laitakin Malaysia gamsung ah “Ministry of Housing and Local Government” ii khutnuai ah PPR Project tawh akivaihawm Building inngolpi 127 om kici hi.

Tualak ah Building innpi 86 tepen PPR nuai ah innsaapsak ngiatding in aki vaihawm hi a, inndei 75,054 Unit saaptheihding phasak uhhi. Adang Building 41 tepen neihsuak theihding “Ownership” in aki vaihawmsak hi a, tuate pen inndei bekbek 10,424 phasak uhhi.

Hih PPR ii vaihawmsak Building tepen innsaapding te adingin tawmmanzaw in, neihsuakding in aleidingte adinginzong tawmman zawthampah hi. Tua ahih manin PPR inndei te angahnuam gammi tampitak omden a, Malaysia gamsung aom State khempeuh ah innkuan 3000 panin 5000 kikal bangin PPR innte a ngahtheih nadingun angakin om uhhi.

Tua PPR innte angahthei dingtepen Malaysian gammi kum 18 acingkhinsa hiding a, innkuanbup sumlut khasum RM2,500 nuaisiahbek angah, inn anei ngei nailo tebek in angahthei ahihi.

Ahi zongin gammi pawlkhat in tua PPR innte ngetna bawlin, angahkhit uhciangin amau omlo in gamdang mite saapsaksawn uhhi. PPR inndei tepen mizawng daipaam te ading hi a, tuabangin gamdang mite asaapsak akitheihleh thu kibawlding hi ci’n National Public Complaints and Welfare Service Centre chairman Datuk A. Chandrakumanan in genkhia hi.

Tua PPR inndei tepen kumpi tungah innsaapman khakhat RM124 bek hi a, ahi zongin gamdangmite asaapsak uhciangin RM500 pan RM600 bang ngenin, summet bawlna in anei Malaysian gammi pawlkhat om uhhi. Tuatengpen zadah uhzong ahih manin, Housing and Local Government Minister in kha 3 sungin gamdang innsaap te aki hepkhiat sakding thu apia ahihi.

More: Malaysia aom gamdang mite’n Public Housing innte asaapleh ki hawlkhiading

Hihvai tawh kisai in DBKL Housing Management and Community Development panin Officer pawlkhat innvak in, innsaap te thusitna neikawikawita uhhi. DBKL Officer te’nzong innpawlkhat kongkhak tawhte tankhia in sitna kipanta uh cih kiza hi. Ih omna, ih innsaapna te bang innnam hiam, PPR Building te ahikhahiam cih kanhuai, theihhuai hi. Innnei te’n akician in honggen khollo khading a, ahi zongin ih omna venglepaam te dongleng kitheipah dinghi. Sawltak #zomidaily