Penang ah Durian zuaktawh akivak puteek khat mawtaw in taihkha in si
Malaysia, Penang State sungah Durian zuaktawh akivak “Durian Seller” pasal khat zanzingsang tuahsia in si cih theStar pan kiza hi. Tua Durian Seller papen Pickup Truck khattawh azuakding Durian puading in apailaitak hi a, Factory Bus khatin Jalan Sungai Pinang ah ataihkha ahihi.
Balik Pulau OCPD Supt A. Anbalagan ii genna ah zingsang 6am hunpawl in Balik Pulau aom Sungai Pinang Community Hall mailian ah Accident apiang cihi.
Durian Seller papen kum 62 aphakhin khat hi a, Accident apiankhit ciangin Balik Pulau Hospital ah kipuakpah himahleh 7:25am hunpawl in zato panin sisuak hi.
Bus Driver papen bangmah liamna omlo ci a, Bus sungahzong midang Passenger kuamah atuanloh laitak ahihi.
Durian zuaktawh akivak asipa ii atapa kum 31 aphakhin khatin agenna ah apa pen Hulu Perak, Klian Intan ah azuakding Durian apuading, aleisawn in apai cihi. Tualai panin Durian leizel in, Penang, Rifle Range ah azuaksawnzel ahihi.
Related: Malaysia, Penang sung aom Plastic Factory khat meikanggawp
Atuahsiatni zingsang pen inn ah Breakfast nekkhit ciangin Pickup Truck tawh Durian puading in akuankhia hi a, lamkal ah tuahsia in asisuak ahihi ci’n atapa in genkhia hi. Sawltak #zomidaily
Comment piaknop aomleh...