Yangon khuapi pen leitung ah lungmuanna aomlo penpen anihna in ki ciamteh

Yangon khuapi pen leitung ah lungmuanna aomlo penpen anihna in ki ciamteh

“The Economist Intelligence Unit” te’n anunung pen leitungbup khuapi te ii lungmuanna Safety omzia te akankhiatna uh pulakkhiatna nei uhhi. “Safest Cities Index 2017: Security in a rapidly urbanising world” cih thulu tawh apulakkhiat leitung khuapi minthang tuamtuamte lakah Yangon khuapi pen lungmuanna aomlo, Safety aomlo penpen nihna in hongki ciaptehsak mawk hi.

Yangon khuapi sangin aginalozaw khatbekbek omlai a, tuapen Pakistan gam ii Capital khuapi ahi Karachi City ahihi.

Japan gam ii Capital khuapi ahi Tokyo City ahihleh leitunbup ah lungmuanna aompenpen “World’s safest city” in ki ciamteh hi.

“Safe Cities Index 2017 overall results” panin lungmuanna aompenpen Top 10 in akiciamteh khuapi te ahihleh Tokyo, Singapore, Osaka, Toronto, Melbourne, Amsterdam, Sydney, Stockholm, Hong Kong, Zurich cihte ahihi.

US gamsungbek aki et ciangin “US cities’ infrastructure security rankings and scores” sungah lungmuanhuai in aki ciamteh khuapi tepen San Francisco, New York, Los Angeles, Chicago, Washington, DC leh Dallas khuapi te ahihi.

Hihbang in leitung gamtuamtuam aom khuapi te aki etkakna ah akigawm in khuapi 60 kihel hi. Tua khuapi 60 te ii Data aki kaihkhop ciangin Digital Security, Health Security, Infrastructure Security, Personal Security cih ahuampi in Category 4 tungtawn in akien ahihi.

Myanmar ii khuapilui khat ahi Yangon khuapi sungah lungmuanna Security & Safety aomtheih nadingin puahphatding tampitak omtuak laimawk hi.

Yangon Police te’n apulakkhiatna ah 2016 kumkipat kha 6 (kumlang) sungin Yangon khuapi sungah mibuanna Rape Case 96, mi kithahna Crime Case 93, innluh leh guta Case 29 bang om ci’n pulak uhhi.

Hih “Safest Cities Index” sungah Yangon City pen tukum in aki helcilna hi a, ahoihlolam ah a 2 na ngahpahlian hi. Abeisa kumin Indonesia, Jakarta City pen lungmuanna aomlo penpen in ciaptehna ngah hi. Tukum ciangin Jakarta pen atawpna lampanin a 4 na ngahto hi.

Related: Yangon thuthang: inn kicim, hotel meikang, gamdangsum tawh kiman

“Safe Cities Index 2017 overall results” panin lungmuanna aomlopenpen Top 10 in akiciamteh khuapi tepen Karachi, Yangon, Dhaka, Jakarta, Ho Chi Minh City, Manila, Caracas, Quito, Tehran, Cairo cihte ahihi. Sawltak #zomidaily