Kum 10 aphapan atanu vanleng tungah anu leh pate’n nusia kha

Kum 10 aphapan atanu vanleng tungah anu leh pate’n nusia kha

China gamsung aleng vanleng tungkhatah nupa khatin kum 10 aphapan atanu uh nusiakha cih South China Morning Post pan kiza hi. Tua vanleng pen Sichuan Province sung aom Chengdu Airport panin Guangzhou’s International Airport ah aleng ahihi.

Guangzhou’s International Airport atun ciangin vanleng tungah atuang Passengers khempeuh tuakkhia uhhi. Vanleng nasem Flight Attendants te’n Cabin sungteng siansuah in asit laitak un anunglam tutna ah numeino khat a ihmusa in aomlai mukha uhhi.

Information Times te Report na ah tua vanlengpen Tuesday zankim in Guangzhou’s International Airport atung ci a, tua numeino pen anu leh apa tawh tutna akizom in ngahlo in, atutna atuam khatah tukha hihtuak hi.

Zankim in tungmawk uh ahih manin, numeino pen ihmukha a, anu apa te’nzong vanleng tungpanin atuahkhiat uhciangin atanu uh phawkkha paklo hihtuak hi.

Cabin Crew te’n aphot uhciangin phawkpan a, Arrival Hall ah anu leh apate khuanung zonsan cihi. Apa ii agenna ah atanu in Luggage Claim nalam ah hong manawhding kasa uh ciziau hi.

More: China ah lungkia mite ading sih kineih khemna “Grave Classroom” kihong

Atanu uh vanleng sungah Cabin Crew te’n amuhzawh Minute 20 khitkhawng ciangin anu apa te kizonpih in, ki mukikthei uh cihi. Tate lunghimawh dan atuamtuam ahidiam… ZD Sawltak #zomidaily