Ordination ngah lungdam pihna (Sia Pau Do Lian)

Ordination ngah lungdam pihna (Sia Pau Do Lian)

Tedim gam Valvum khuasuak Sia Pau Do Lian, (D.Min. Andover Newton Theological Seminary, Boston) in October 26, 2014 ni in American Baptist Convention, USA te tungtawn in Siampisuahna Ordination, Boston pan hong ngah hi.

Hi bangin Siampiza ngah theihna dingin a beisa kum 2012 pan in kipanto in Pastor khat I neihding a kisam Qualification tuamtuam leh term paper tuamtuam gelhte azawh khit October 25, 2014 ni in Ordination Council ten thusitna, laivuan sakna a neihkhit nungin Ordination a kipia pan ahi hi.

Ordination Councilte laivuansakna azawh khit, tawlkhat khit ciangin Ordination kipia pan ding hita leh, Kongzing kigamlatna hangin, Laivuan a zawhkhit ciangin Ordination a kipiapah ahi hi.

August 2014 a kipan in, Rev. Pau Do Lian in Asbury Theological Seminary ah Langham Scholarships tawh Ph.D (Intercultural Studies) a sin kawm in Indianapolis a om Zomi Pawlpi khat ahi, Emmanuel Christian Church Indianapolis ah Pastor sem hi.

Langham Scholars Consultation November 6-8, 2014 sung Chicago ah kibawl dinga, Langham Scholar khat ahihna tawh consulation ah kihel ding cihthu kiza hi. C. S. Khai (Universität Hamburg, Hamburg, Germany)