Breaking news: U.S Government shutdown nawnlo ding
U.S Federal Government (Kumpi) ii zat ding sum budget (short-term appropriations bill) pen Senate ah ki vote aa, 65-35 votes tawh ki kipsak (pass) zawh ciang Pu Biden kiang hong puak uh aa, Pu Biden in den mah lian in sign thu ta ahih manin December 03 dong US Government shutdown na om nawlo phot ding hi.
A zen zen in thu kimna akineih zawh kei uh leh abeisa dan mah in U.S Government hong shutdown kik dingaa gam kibuai thei ding ahi hi. Democrats leh Republicans te kikal akithukim pih zawh loh te lak ah Hurricane huhna piak ding leh Afghan refugees te sap ding vai ahi hi. Hih vai te pen December 03 ma in kikum to to lai ding uh hi.
Abeisa Pu Trump hun in zong Kumpi zat ding Spending bill tawh kisai thu kimna nei zolo uh ahih manin Federal Government ii essential departments lo teng kha khat sung bang hong shutdown aa, gam ii economic leh sum lut tampi hong nawngkai sak ahi hi.
More: President thak Joe biden thugen tomlak
U.S Federal Government sung na kasep zawh kum 10 sung Government shutdown na 3-4 vei sung ka tuak ngei aa, ahih zongin ko department pen “essential department” ah kihel ahih manin ki shutdown nailo bil bel hi. Bang bang hi ta leh Democrats leh Republicans te kikal thukimna hong nei thei in government a shutdown loh pen ei mipi te aading zong tampi phatuam mahmah hi. U.S news te zom toto lai ni. Thomas Mung Ref: CNBC
Comment piaknop aomleh...