Zomi Forum DVD Tedim ah ki ngahta

Zomi Forum DVD Tedim ah ki ngahta

Environment Conservation and Community Development Society kici ECODS-te makaihna tawh Yangon khuapi YMCA Hall ah August 23, 2014 ni a kibawl ZOMI FORUM DVD pen ECODS makaite’ deihsakna tawh tu-in Tedim khuapi ah kingah ta hi.

ZYA-Tedim phualpi ahi Zoland Computer Services, Zato Lamka, Lawibual (Ph: 070-50337) ah deih zahzah kilei thei a, tua lo ZYA-Tedim makaite khat peuh tung panin zong kilei thei hi. DVD khui 2 kihel a, Ks. 2000 man hi.

A diakdiakin Zomi vai ah alunghiang niloh na innkuanpih ahih kei leh na khuapihte khat peuh in a muh ding na ut leh gamdang pan zong agal panin leisak lecin minam nasepna lianpi khat hong hi ding hi.

Inn lam ah pil ding a kilawm leh thu thei mawh lo ding a kilawm napi minam vai ah huk cip abang abingcip lai mi pawlkhat om lai hi. Tuate in ZOMI FORUM DVD en kha le uh khanglo pah lian ding uh hi.

ZOMI FORUM DVD pen mikim leh khuakim in lei ding, et ding, neih ding leh zuih ding ciin ding Zomite’ go manpha khat hi a, Zomi movement ah i mualsuang khat zong ahi hi.

ZOMI FORUM sung a thugenpite pen:

• Prof. Simon Pau Khan En, President, Global Zomi Alliance.
• Pu Chin Sian Thang, President, Zomi Congress for Democracy.
• Pu Hang Za Thawn, Country Programme Manager, Sustainable Development Initiatives

ZOMI FORUM tha pia ciat ni ei guai… Tedim Post