27.10.2014 Tuni leitung thuthang te

27.10.2014 Tuni leitung thuthang te

Germany leh Dutch biker gang te in IS te do ding in Kobane tung khin uh a, galsim in galmai ah om uh a, alia abai kua mah om lo uhhi.Kobane ah galkido na pen ni 40 hong cing ta in mi 800 val si ta uhhi.IS te in khua 400 val lak uh uh a,Kobane pen atawpna dalkhat suak hi.Hih kikap na ah Kurd galkap numei pen 30% om uhhi.Kurd te in Turkey president Erdogan kamciam ngak gige uh a,Tua Iraq gam a om Kurd galkap te Turkey gam tawmsak a,Kobane ah IS te do ding ahihi.

Israel gam ah Justice Minister Tzipi Livni in Israel gam mite leh Israel gam a ateng te in IS galkap alut uh leh kum 5 thong kia ding ci in,ngiinna leh geelna te pulak hi.Hih pen Israel gam a ding in thukham ahihi.Hih pen Ligislation comitte te tawh ageel uh ahi.

Israel gam ah nungkal a mipi te omna a mawtaw tawh taihna hang in mi khat aliamna nasia lua ahih man in sunday ni in sihbeh hi.hih a si pen kum 20 apha Ecuador gam mi numei khat hi.Hih bang a tuahsaitna hang in a inn kuanpih te zong suturdayni in Jerusalem tung uhhi.Hih mawtaw tawh taihna hang in mi nih si ta a,adang khat pen nau ngek kha thum pha khat hi in , ataih pa pen a taih khin ciang tai mang sawm a palik te in kap lum hi.Tua ban ah nng kal a US palestnians mi kum 14 aphaHamad in galkap te mei bomb tawh deng a,galkap te in kaplum uh hi.Hih thu hang in sundayni in nakpi tak buaina om in,Palestinian te in galkap te suang tawh deng uh a,galkap te in khitui luangna bomb zang in mipi te khen uhhi.Hih buanna hang in Jerusalem ah sang khak phot ding in gen uhhi.

Syria kumpi in kumpi lang pang pawlnih te ukna Homs gamke ah vanlam pan kapna hang mipi 25 si in ,tualak ah nsupsng 11 sihi.Talsisseh khuapi kapna ah mi 18 sihi.Iraq gam a om Kurd galkap te in IS te khutsung pan zuma khuapi lakik thei uhhi.US te in vanlam tawh Fridayni leh Saturday ni in 22 vei Iraq a om IS te kap hi.

Thai mihau mi li te in Kawlgam mi nih te aamahkhan(bail) na ding in Thai sum 200,0000 tawh huh ding ci in Kawmgam tanzum(embassy) pan in gen khia hi.Hih thu tawh kisai in SitniU Aung Myo Than ii gen na ah teti(witness) kiciam omlo lai tak a tan ding cihi.Hih Britain te nih sihna tawh kisai in a nu leh apa te uh tawh kimuh laitak in agen na uh a, kam let te leh Palik te in that mah un na cih kei uh leh na khut uh tan ding mawtaw pei buannai taawh hal ding ,tui sung ah pai ding ci ahih man un ka that mah uh hi ci in ka gen uhhi cihi.Tua ahih man in Kawlgam mi kamlet te ii Pastport tanzun kem sak in thubawl sawm uhhi.Hih bang teng thu hang in Britain palikte zong athu kisitna te kan ding maikal hong pai ding cihi.

ThaigamPatharam khuapi ah kawlgam mi nasep nih in anasepna pu leh pi te that uh hi ci in Thai Palik te in oct.23 ni in gen khia uhhi.Hih tawh kisai in Thai palik te gen na ah Kawlgam minih te in Thai sum 150,000 mawtaw khat ,bike khat laksak uh ci in, hih bang athatna uh pen sum deih man cihi.Hih thai nupa te pen vatawt khawi nasep sep uh a,0ct.19 ni in Patharam khuappi a inn uh ah kawlgam mi nih in that uh a, anasepna pu pen Thai te hi in,a pi nu te Kawlgam mi cihi.Hih tawh kisai in Thai gam a om Kawlgam mi nasep kipawlna a te in athu a entit laitak hi.

Mali gam ah Ebola natna hang in mi khat si ahihman in UN te in akisam vanzatpah ding Pound 2,000 vak gikna nei te vai hawm uhhi.Hih asi pen nua pang no kum thum upa hi in Guinei gam pan Mali gam ah cina ki bawl ding a apai hi in Friiday ni in sihi.A mau pen bus tawh pai ahih man in mipi tampi lawh ding in lam en uhhi.UN pan in Ebola antna hang in UN palaai ahih Samatha Power Sundayni in Guinei tung hi.Hih apai na hang pen amah mah in Ebola natna en in, kumpi thunei te tawh ki mu in Ebola natna do ding vai kikum ding cihi.Tua khit ciang in Liberia leh Sierra Leone gam ah zong pai ding hi.Tua ban ah America ah hih gam thum pan a hong pai te Ebola natna nei a ummawh te uh Iilnos state ukpi te in ni 21 sung tuam koih ding thu pia in, Newyork,, New jersey te in zong thupia hi.Hih bang a vanleng tual pan in gamgi cih omlo Doctors pawl Nurse te in mi hopih dan te pen thukhun palsata thusit na tawh kibang cihi. Ref:bbc, cnn,voa, hro,7days daily,j.online. Cin Ngaih