Numeino Missionary thupi

Numeino Missionary thupi

Germany limsuaih siam Leo Steinberg a cih pen Jesu’ lim suai asiam pen dinga ngaihsut ahi hi. Ahi zongin amah Khristian hilo citciat hi. Khatvei a vahna-ah numeino a ithuai mahmah, a melhoih khat tuakin, a mah’n zong tua numeino a lim suai nuam ahih manin zol a, inn-ah a ciahpih hi.

A limsuaihna innkhan sungah Jesu’ lim, singlamteh tunga kikhai a suaihsa khat a khai hi. Numeino in tua a muh ciangin, “Jesu kikhai lum ahihleh mawhna lian nei hiding a hive-maw” a ci hi.

Steinberg in, “Jesu pen khialhna nei lo ee, mi khempeuh’ khialhna hangin a si a hi ve” a ci hi. Numeino in, “Aw hi maw, nangma’ khialhna hangin zong a si a hiam” a cihleh, Khristian zong a hi nailo Steinberg pen tua numeino’ thudotna in ngaihsutna lianpi pia a, a pianthaklawh ta hi.

Tua banga a pianthak tak ciangin a limsuaih enpha kikkik a, a nuai san-ah, “Nang’ aadingin ke’n ka thuak, kei’ aadingin nang bang na thuak” a cih, Tedim labu No.207, Jesu singlamteh-a kikhai khe-nuai san-ah a gelh thuah hi.

Tua pen Court Zinzendort in mukha in, a lungsim khoihlua ahih manin, Moravian Movement thupitak a phuankhia pah hi. Moravian te’ tungtawnin John Wesley a piangthak leuleu hi. John Wesley in England gambup khanlawhna pupi pa ahi hi.

(Pasian kihel na kammalno khat tawh leitung na kilamdang sak thei hi).

A LAMDANG VANZAT

Tuipi tunga khualzinte lakah, “Mutiny on the Bounty” a cih tembaw khat pen a minthang mahmah hi. Tua tembaw tungah Bligh a cih pa pen makaipi, (Captain) ahi hi. A gitloh luat manin a nungzuite kipawlin a langpan uh hi.

Tembaw neu khat tungah a mah leh a mah a pawlpih teng a khakhia uh hi. Langpang lamte in tembaw a ngah zaw uh hi. Tua bangin a paipai uhleh New Zealand leh South America kikal, Pitcairn tuikulh a tung uh hi. A tembaw ‘Bounty’ pen a haltum uh hi. Tua tuikulh-a teng mite pen gilo mahmah uh a, kum 10 a phakin tua langpang mite khat bek om lai-in a dang teng tuikulhmite in a thatlum khin uh hi.

More: Na kimuh kik mateng ~ Tdkhen

Tua a om lai pa pen Adam a cih hi a, a lawmte kithat khinin a mah bek a nungta lai ahi hi. Nidanga a tembaw hal’ uh sungah singkuang hoih sim khat om a, tua sungah Lai Siangtho bu khat a om hi. Tua Lai Siangtho pen Adam in a sim’leh a piangthak ngiau hi.

Tua banga a pianthak ciangin tua tuikulha teng mite’ lakah Pasian thu a hilh pah hi. A sawt lo-in khanlawhna piangin, tuikulh migilo hontang teng a piangthak khin-gai hi. Pasian in zatmawh khat beek zong a nei lo ahi hi. Tdkhen