District leh State vai ~ Pu Thangboi

District leh State vai ~ Pu Thangboi

“District zong ngah nailo a, State tumh (Sakhi manlo ngaltang tumh tawh kibang lel lo ding ih hiam)” aci pawlkhat om hi.

Kawlgam nainganzi athei hetlote’ thugen ahi hi.

Hilhcianna
District pen 2008 thukhun nuai pan a sawk ding hi a, State pen 2008 thukhun pualam pan a sawk ding ahi hi.

Genbeh lai ni
District bek hilo a Self-administered Zone (SAZ) nangawn 2008 thukhun nuai pan a sawk theih ngah theih ahi hi. Tuate asawk dingte pen 2008 thukhun tawh kituak a kiphuan kipawlnate in asawk ding uh ahi hi.

State thak leuleu pen party min tawh nget theih hilo hi.

Gam khat peuh in akisapna zui in state thak abehlap ngeina hilel hi. Kawlgam ah zong 1948 suahtakna ngah lai in khat vei, 1974 thukhun zui in khat vei, 2008 thukhun zui in khat vei cih bang in State/Division/SAG te aki behlap toto ahi hi.

2008 thukhun zui a SAG angahte zong 1993 pan 2007 kum dong National Convention (အမ်ဳိးသားညီလာခံ) ah ana kihelte ahi hi. Tuihual ana zuite’n angah uh ahi hi. Ei zong tulaitak a tuihual ih zuih kei leh mailam ah ih kisik thapaai lel ding hi.

Tulaitak a aomsa state te tawh kicing nailo a, peello behlap loh phamawh lai ahih ciang in tua behlap dingte akibehlap ni ciang in Zomi te’n zong State khat deih ih hih man a tua ding a ki thawi khol ih hi hi. DC ngah leh ngahloh tawh kisai hetlo hi. State ngah zawhlohna ding thu omlo hi. Ahi zong in 2008 thukhun pualam pan in deihna angen thei ding pen thautawi kipawlna bek om ahih lam phawk huai hi.

Thautawi kipawlnate lak ah “Naypyitaw buluh ding, kawlteng gomang ding” aci khat zong omlo hi. Mihai thautawi kipawlna leitung ah omlo hi.

Kachin leh Karen te bang in na tawilo uh hi leh agam vua’ vanmanpha teng abei sawt mahmah ta ding hi. Atawi man vua tampi kemzo lai uh hi.

Gennop tampi tawh

(Mung Laan Thang)
Tawmvei sung
Zogam