Forklift hawlkhat in mawtaw tampi ataihgawp laitak Video ki khahkhia, mi 2 si, 10 valliam

Forklift hawlkhat in mawtaw tampi ataihgawp laitak Video ki khahkhia, mi 2 si, 10 valliam

China gamsung ah vangik dopna Forklift mawtaw ahawl pasal khatin lamzikpi tungah midangte mawtaw tampi phulsakgawp cih SCMP pan kiza hi. Tua Forklift hawlpa in tuabangin lamzikpi tungah mawtaw aphutsakgawpna hangin mi 1 in sihlawh a, adangzong mi 10 bangin liamlawh uhhi.

Monday zingsanglam in Shandong Province sungah thupiang hi a, Forklift hawlpa pen akhawlnoploh ciangin anunung ah Police te’n thautawh kaploh phamawh ahih manin, kaplup thuakziau hi.

Local Public Security Bureau te’n Statement akhahkhiatna ah hih thupiangpen Shandong Province, Yantai khuapisung aom Xingfu Middle Road kici lamzikpi tungah thupiang ci uhhi.

Monday zingsanglam 7:20am hunpawl in Bus tawh khualzin te khawlna “bus terminal” geikhat ah thupiang ahihi.

Tua Forklift ahawlpa pen kum 45 aphakhin hi a, aminpen Mr. Wang Zhihua kici hi. Amahpen China, Heilongjiang Province sungpan hi a, Suihua City sungpanin akhangkhia khat ahihi.

Forklift tawh lamzikpi tungah mawtaw tampitak nawksakgawp, phulsakgawp ahih manin, akhawlnading in ki hanciam himahleh anunung ah akhawltheihloh ciangin Police te’n acihnading theinawnlo in thautawh akaplum uh cihi.

Khuasung mipi te bitna aomnading leh aneihsa te uh asiatzangawp lohnadingin ngimna tawh Forklift hawlpa thautawh akikaplum hi ci’n Police te’n genkhia uhhi.

Hih Forklift hawlpa Mr. Wang Zhihua ii gamtatna pen migilo ngongtat “Terrorism” tetawh kizopna aomkhahiam cihpen athu Information bangmah khahkhiatna kineinailo hi.

Mr. Wang in Forklift tawh khuasung mawtaw te aphutsakgawp laitak Video zong kizaihkha in, Social Media ahzong kithehzakpah zihziah hi. Beijing News te’n Video akhahkhiatna ah lamzikpi tungah mawtaw aom zihziah pen Mr. Wang in Forklift tawh nawkpheisak ziahziah hi.

Video: A man was shot dead by police on Monday morning after driving a forklift truck at vehicles and people in an east China city, killing one and hurting at least 10 others, according to an official announcement.

Video khatsung ah Silver Car khatbangpen lamzikpi tungah saupi anawtpheigawp laitak kimuthei hi. Tuaban ah adang Black Car khatzong doptoh vevasa in lampitung ah ataipihphei zeza laitakzong kimuthei a, tua adopphei mawtaw pen mawtaw khat ii atungah koihtohsak sese citciat hi. Mawtaw adangkhatzong lampitung ah alumlet sakgawpzong Video sungah kimuthei hi.

Forklift pen High Speed tawh hatsak mahmah in, ageinai aom amuhkhak peuhpeuh phusakgawpmang hi. Khuasung mipi te’nzong acihnading theipaklo uh ahih manin, Mr. Wang pen agamtat akhawltheihtheih nadingin suangtom khawngtawhzong akiden valval laitak kimuthei hi. Ahi zongin Police te’n thautawh akapciang bekin agamtatna khawlsak theipan uhhi.

More: Malaysia, Serdang vengsung ah mawtaw 6 tak kiphugawp in mi 2 in sihlawh

Hih Forklift hawlpa Mr. Wang ii gamtatna hangin mawtaw tampitak inzong siatlawhgawp a, mi 1 in asihlawh banah adangzong mi 10 bang liamgawp uhhi. Anunung ah amahzong kikaplum ahih manin, hih buaina hangin mi 2 asi suak hi. Police te’n hihpa gamtatna pen athu hoihtak kancianding uh cih kiza hi. Sawltak #zomidaily