Khantohna leh pilsinna
Khantohna ding nasepna ahi Development Project kici khempeuh technical pilna leh siamna tawh a kipeng omlo hi. Tua ahihman in i gam a khantohna tawh kizui nasepna khempeuh akip akho leh ahoih takpi ahihna ding in technician tampi kisam hi.
Khangthak tampite in technical pilna ong sin ding uh kisam leh nakpitak a tha kipiak ding lunggulh huai hi.
Nasepna khempeuh, tua nasepna tawh kisai pilna neite mah in vaihawm henla, siamna neite mah in makai in semleh a, a kisep laitak mah in athei, atelte mah in limtak encik/sit ciatciat hileh deihhuai penpen hi. Hihpen a khangto gamte’ nasep zia ahi hi.
Tu tadih in bel sum bek mah mitsuan in ahih leh khatpeuh in vaihawm in, khutnei peuh in sem a, upmawh tawh ki khuanung sit ahihman in i khantohna development projectte tanakha tui in asawp khiat ciang aguh ong dawk a, i nung ot luailuai hang sialtat nung a sialdai kai suakzel hihang.
Problem khat peuhpeuh a root cause pan a solve ding ahi hi. Tanakha i zut zelhang a root cause i solve kei leh angei a ngeizel ding hi.
Khangthakte technical pilna sun ding hanthawn in tha piaciat ni.
Pilna kisam
Mipilte’ pilna leh a pillam uh i theihna ding in pilna mah kisam a, ei mahmah in i theihloh lamtak i phawk, i theihna ding pilna mah kisam in, i hai lam i theihna ding nangawn pilna kisam lailai zen hiveh aw..
Paunak 1 pan 31 sung ah “pilna, pil” cih kammal a zatlohna alian 6na bek om a, tua nangawn pil-gamtatna ding thuhilhna hi lailai zen hi.
Mun khempeuh ah Pilna kisam kawikawi ei… Pau Khat Suan
Comment piaknop aomleh...