Singapore ah numeite nikbawknuai panin Video azaihsimsakpa kal 15 thongkiading
Singapore gamsung ah pasal khatin numei bekbek akigawm in 17 te anikbawknuai panin Video zaihsimsak ahih manin thong kal 15 (15 weeks) kiading in thu kipia cih Straits Times pan kiza hi. Thong kal 15 akiatding banah liausum zong $600 kiliausak cihi.
Tua numeite nikbawknuai azaihsimsak “Upskirt Video” zaihpa pen Ong Pang Peng kici a, kum 36 aphakhin ahihi. Numei bekbek akigawm in akalkawm azaihsimsak pen numei 17 hi a, tuate lakah a naseppih alawmte 2 zong kihel cihi.
Amahpen Bank Executive nasep asemkhat hi a, zanni Monday (Dec 11) ni in thukhenna akinei ahihi. Numei te nawngkaisakna, maizumsakna cihte bekthamlo, Films Act thukhun te palsat cihtawh thu akibawl hi a, amahngiat inzong kakhialmah hi ci’n pulakkhia hi.
Assistant Superintendent of Police Sulaiman Yusof in agenkhiatna ah Ong Pang Peng pen abeisakum June khasung in akiman hi a, tua akimat laitak in numei nihte ii anikbawknuai Video azaihsak laitak kimu ahih manin, akimankhia cihi. Tua kalkawm azaihsaksim numei te lakah khatpen kum 31 aphakhin khatleh adangkhat pen kum 20 aphakhin khat hi a, Shopping Mall sung aom Daiso vanzuakna saisungah azaihsim cihi.
Daiso Japan saisung ah aziahsim laitak in sangngak te’n mukha uh ahih manin, aki theikhia ahihi. Numei te nikbawk atom ateeng amuh ciangin ki ipzolo in, van khatpeuh azong bangkek in leilak ah tusuk in azaihsimsak cihi.
More: Singapore ah numei te kisil laitak Video azaihsim Myanmar pasal khat thongkiading
Tuabang in numei nikbawktom ateeng amuh ciangin Video azaihsim sakzel pen 2013 July panin akipan cih kiza hi. Numei atomtheithei ateeng tezong kidop huai, pasal khut ommawh tezong kidop huai hi. Singapore gamsung ah Myanmar gammi zong hihbangvai tawh akiman omzeuhzeuh theihi. Sawltak #zomidaily
Comment piaknop aomleh...