GZI matpiakna tawh kisai ~ Stephen Mang

GZI matpiakna tawh kisai ~ Stephen Mang

Dear All, GZI matpiakna tawh kisai kei hong kidong ahihloh hangin ka veina leh lawm Dalkhek leh kktombing dotna tawh kisai Siate, lawmte online manlo zong hikha ding uh ahih manin leh thupi zong sa kahih manin ken hong dawng hi ing.

Sia Lalpu la ‘Taang Lungtup’ pen vocal test (audition) in zang uh a, tua ni-in kuamah a kia omlo hi. Mungpi’n a laploh hang Judge ten a phal nak uh leh kingah lua hi. Tu laitak Zomi Idol India 2015 Top 3 ngah nu Tracy pen Aizawl ah ‘Mizoram Idol’ kidemna ah va kihel a, a ma title tawh Audition sa saklo uh a level 1 kahto sak lel uh hi. Ka cih nopna ah judge te thu hilua hi cih a gennuam ka hi hi.

A ni 2na le 3nate dawng 2 tuak sa uh a, avekpi dawng 4 tawh marks pia uh hi. Slow 2 leh Rock 2 cih dan hi. Tua dawng 4 te lakpan khat peuhmah la thak – akikhum nailo hi ding cih hi a, ladang te zong own-tune hiding copy kihel lo ding cih hi. Late amau deihteel vive hi a, a genre ding bel kipia hi, Taang lungtup cihloh siah. Mungpi’n a ma phuah vive sa pah ahih manin a lawm dangte sangin a tungtuan zawkna khat hi pah hi.

Ei muntek ah Idol i teel ding lai in suakta takin la khum khin/khinlo a ut khempeuh in dem thei ci-in kong taangko uh a, tua panin hiteng top 12 hong kiteelkhia ahi hi. Centre tuamtuam panin teel dan bel kibanglo hi. Amunmun ah hoih pen in teh a cih dandan uh tawh hong teelkhia uh hi.

Tutung a online vote pen (People’s Choice) hi ding hi cih bel hong pulak pah uh ahi hi. Tu a marks piakzia a category khendan uh muhsak kengin ahih hangin a huampi in a lamdang lua omlo ding hi. Gtn.

‘Diction’ – lamal lawh a siang setset hiam, a hi nemnum hiam… ‘Tone color’ – a awsuah bang ci, siik gin sawsaw maw, neem hiauhiau maw, khauh vanvan maw, ahibangbang in zaknop maw/lo… ‘Pitch’ – a sang a niam a zo khawm hiam, a sang bek awng zo in a niam zo vetlo cihte pawl…

‘Rhythm/ beating/ timing’ a zo hiam, peuh a nung delh dangdang bek mawk hiam (or) a makhelh, a matai phangphang hiam… ‘Dynamic’ – a san ciangin a aw ngaih valval napi’n a niam nate ah a aw kizalo in a om hiam cihte pawl… ‘Performance/expression’ – a lamal leh a gamtat luheek a kituak hiam, kahtaam lawhna la sa kawm in maitai hiauhuai cihte pawl…

‘Artistic/creativity/attraction’ – a lasakna tawh mipi a zo hiam, judge te a zo hiam, musicians-te a zo hiam, mi khat peuh lasakdan, aw bawldan copy maw, a ma’ a ngiat a hoihpen ding a hong puah maw, cihte pawl… ‘mood’ a lasak thu sungah a om hiam, kidem cih lungsim tawh sabek a hiam, suakta/suaktalo, a nuntakna tawh sakhia takpi hiam cihte pawl… hiteng khempeuh thupi vek hi. Gtn. Diction 10% cih danin kikhen diudeu hi a marks vekpi gawm tam a ngah penpen a Khatna kipia hi.

Ahih leh mikhatin banghang in title a tuamin ngah thei hiam? Ngah thei mah ding hi, ama siam tungtuanna panin ngah thei hi. Etsakna in ‘Best Performance Award’ a ngah pen performance a hoih mahmah hang a dang ah a thaneem na om hi kha ding hi. Lamal khial maw, bang maw khat???

Kei muhna ah mi hizah in comments kipia suk zihziah ahih teh GZI lawhcinna khat hi ci’n ka ngaihsun hi. American Idol khawng ah Judges ten final decision bawl lo uh a, ahih hangin ei a dingin tu a dan mah hoih pen hi i ci hi. Lungdam ei, kong dawng kha tam maw! Stephen Mang