Tonzang zato ah Solar Power system unit kipia
Zogam Tonzang khua zato ah Germany gam panin Shoefung Bewahren Konkret (SBK)pawlin 7.5KVA thanei solar power system unit Tonzang Zato ah pia in thuahsak uh hi cih thu kiza hi.
“Hi bangdan hong piantheih nading in Tonzang ZBA pawlpi in GCCF ah hong pulakna tungtawn in, GCCF in palai sem in Germany pan apiakhia ding ahi SBK pawl ki zasak in Cidamna zum lam thuneite tawh kikum khawm in na’asem thei ih hi hi” cin GCCF makai ahi Dr Lah Aung in gen hi.
“Hi dan project pen Zogam lam a diakdiak national gerd tunlohna ding khuate a om Zato innte ah piak dingin aki vaihawm ahi hi. Zogam ah Matupi ah mun 2 kithuah khin a, Rezua khua ah zong a thuah ding in kibawl ta hi” cin Dr Lah Aung in genbeh hi.
“A beisa kum 4 lai pawlin Myanmar gam kong zin uh a, tua pan Dr Lah Aung khua ahu Hakha lam ka pai uh hi. Tua mun ah letsit mei a mu kha nailo khua tampi a’om lam ka mu a hite kahih theihna’zah ciangin huh zawhna ding hamciam ning cih ngaihsutna thak na ngah hi. Kei pen renewable energy akici kimlepaam ah a ninsaklo thate zat ding aut mi khat ka hihna tawh solar lam tawh kisai pen ka uk leh kasemtheih khat ahi hi.
Tua’hi a ka khua ka tun ciangin biakinnte le lawmlegual te kiang huhna gen n tua sumte tawh hi bangin hong vaikhawm’kik ka hi uhi. Gam le minam kibat seloh hangin Christian khat le khat ihihna tawh ulenau khat ih hi a haksate huh ding panpih ding vaipuak ih nei tek a, Pasian bawlsa leitung zong ahoih in kep ding mawhpuak’ih nei hi” ci’n SBK pan makai ahi Mr Han in gen hi.
“Hi bang thuphate hangin a vaihawm agiam atawl khempeuh tungah ih lungdam mahmah hi. Hong kipia’vante kepsiam nading leh mipi te aading mannei tak in zat theih ding ih mawhpuak ahi hi. Tonzang zato aading akisam mahmah kisap laitak ngah kha’ih hih manin ka lungdam mahmah hi.
Zato sung a meivak bek ahilo van-uii na sette na dong in zo ding ahi hi. amau mahmah hong pai ngiat in hong thuahsak hong bawlsak’bek thamloh in Zato a zat ding ultrasound khat zong hong pia khia lai uh ahih manin kinak’ lungdam mahmah hi” ci in Tonzang zato siavuanpipa Dr Thang Sian Khai in gen hi.
Germanay gam panin Mr Han le atapa Simon amo Lucy te leh kamphen ding Dr Lah Aungte hong pai uh ahi hi. Dr Nang Khan Lian (aka) Khanno (Dentist, Tonzang)/ Zingsol
Comment piaknop aomleh...