Malaysia naungek suakthak neite’n OPE/ RSC Interview ah huhna ngenhamtang un

Malaysia naungek suakthak neite’n OPE/ RSC Interview ah huhna ngenhamtang un

Malaysia gamsung aom UNHCR zumpi ii nasepzia pen ahunhun in kilaih toto a, pawlkhat nasepzia tepen kinawhkhel mahmah hi. Atamzaw in ihtheihsa, ih zakzaksa mahbangin Malaysia UNHCR zumpi in Chin State pan Refugee tepen gambel dinmun in hongsangzo nawnlo, hong ciaptehsak nawnlo uh a, tuahangin Chin State pan Refugee te leh UNHCR zumpi kizopna zong 2019 kumbei ciangin omnawnloding cihdong dinmun kitungta hi.

Tua ahih manin UNHCR panin gambelmi khat hi ci’n RSD Interview (Refugee Status Determination) akibawlnailo tepen gamthumna akipuakding lametna tawmmahmah ta cihtheih ahihi.

Tua kawmkal ah RST Interview ahih keileh DSU Interview aphikhinsa te sungpanin naungek suakthak aneite zong buaina pawlkhat omthei khinkhian hi. Banghanghiam cihleh UNHCR zumpi in naungek suakthak te adingin UN Card hongpiaksak nawnlo khading uh a, tuabangin naungek suakthakte UN Card hongki piaksakkeileh OPE leh RSC Interview natun ciangin Officer te tungah athu hoihtak gencian inla, huhna ngen hamtang in.

Tuabangin OPE leh RSC Officer te kiangah huhna nangetciang bekin UNHCR Registration Department te tungah Officer te’n lai hongkhaksak ding uha, tua tungtawn in UN Card hongki piaksakpan dinghi. Tuaciang bekin US gamsung ah na innkuan un ki paikhawmthei panding hi. (Pawlkhat atate UN Card ciaptehna omlo ahih manin, atate lengtheiloding akici peuh omthei hi)

More: Malaysia UN ulianpenpa in Chin Refugee te naseptheih nadingin ngetsak

Atua hilo in OPE Officer ahih keileh RSC Officer te’n huhna hong ngetsak khakkei zenzenleh Chin Refugee tepen UN Card kipiaksak nawnlo cih tungtawn in na naungek suakthak uhzong UN Card hongki piaksakloding a, buaihuai mahmah khatheiding hi. OPE leh RSC anawkkhaloding te huhna ngettheih omloding hi. Sawltak #zomidaily Ref: Slai Cenhrang