Myanmar Tourism Ministry te’n Hotel saap khiamsakding ci

Myanmar Tourism Ministry te’n Hotel saap khiamsakding ci

Myanmar gamsung ah gamdang khualzinmi atamtheithei azinnop nadingin Hotel saap te khiamding hihang ci’n “Ministry of Hotels and Tourism” te’n genkhia cih Myawady Daily pan kiza hi. Myanmar gamsung ah abeisa kumte sangin gamdang khualzinmi Tourist pen kiamsemsem hi.

Tuabang in Tourists akiam semsemna ahangpen Hotel saap tamlua bekthamlo, Myanmar gamsung kikawmna vanleng saap “Domestic Air Ticket” tezong tammanlua ahihman ahihi ci’n Ministry te’n nungkal in apulakkhia uh ahihi.

Hotel Rates pen Laos leh Cambodia gamte ah US$75 khawngbek hi a, tua Hotel tetawh akibang Myanmar gamsung aom Hotel tepen US$130 bang ki mansak cihi.

Myanmar Government inzong Hotel Rates pen akiamtheih nadingin kumtampi ahanciamciam khitsa uh ahihi.

Myanmar Ministry of Hotels and Tourism te’nzong Myanmar gamsung aom Hotel te lakah gamdangte neihsa “Foreign-owned Hotels” tepen zankhat US$150 ciang asangpen ciaptehding hi. Hotel Rate atamluatna hangin Myanmar ii Tourist Destination ahihna hong susia hi, Image hoihlo hi ci’n genkhia uhhi.

Vicky Bowman kicipa in Frontier ah agelhkhiatna ah Tourists te’n Hotel Price te tamman salua uh ahih manin, Complian ngeingai uhhi. Hotel Rate atammat hangin, Service pen hoihlo sawnsawn, Poor-quality Service hi a, tuahang in Myanmar gamsung ah khatvei azinsa Tourist tepen zinkikding sawmnawnlo uhhi. Khatvei azinkhak uhzong kisik mahmah uhhi ci’n gelhkhia hi.

More: Lonely Planet te “Top Ten Countries” sungah Myanmar kihel

“Union of Myanmar Travel Association” te’n nungkha in apulakna ah Myanmar gamsung ah gamdangmi Tourist azinpen nungkum sangin tukumsung kiamzawtham a, 11% bang kiamzaw, tawmzaw hi ci’n genkhia uhhi. Sawltak #zomidailyy