Numei khat inndawl 5 na panin kiasuk in, meikhau tungah awk

Numei khat inndawl 5 na panin kiasuk in, meikhau tungah awk

China, Liaoning Province sungah nung Saturday ni in numei khat inndawl 5 na panin kiasuk in anuai ah akikhung meikhau “Power Line” tungah awkkha citciat bilbel ahih manin silo cih Shanghaiist News pan kiza hi.

Tua numeinu pen bombisungten “Underwear” bektawh hi a, Liaoning Apartment Building ii apualam ah kikhai lenglang hi. Hih numeinu pen midang pasal tawh aomkhawm “Mistress” hiam, ahih keileh innsung hahsiangin tawlet “Windows” te anawt laitak in akiasuk hiam cihpen ki theicianlo hi.

Ahi zongin hih Underwear guakbek tawh Power Line tungah akikhai lenglang numeinu ii tuahsiatna Photo leh Video tepen Social Media tungah ki thehzakpah hi. The Cover kici te genkhiatna ah hih numeinu pen inntungpan kiasuk in, Power Line tungah a awkkhitzawh asawtlo in khua phawknawnlo cihi.

Video: Woman escapes death, thanks to power line

Tuaciang in khuasung mite’n Emergency Services te sam uh a, kahlei dawhto in ki honkhiathei a, silo bilbel ci uhhi.

Athu akician in aki gelhkhiatloh hangin Chinese Internet User te’n hih numeinu pen midang pasal tawh aomkhawm “Mistress” khat hiding a, lametloh laitak in azi inn ah aciahvat ciangin hihnu pen buknadangding omlo ahih manin kongkhak pualam ah akibukna panin anuai ah akiasuk hiding hi ci uhhi. Sawltak #zomidaily