Nepal gamah mi 71 atuanna vanlengkhat kia

Nepal gamah mi 71 atuanna vanlengkhat kia

Tuni Monday (March 12) ni in mi 71 atuanna Banglaeshi Aircraft vanlengkhat kia cih Reuters pan kiza hi. Tua vangleng sungah Passenger bekbek mi 67 atuang hi a, vanleng sungah nasem Airline Crew pen mi 4 hi in, akigawm in mi 71 atuang ahihi.

Tua vanleng pen US-Bangla Airlines kici a, Nepal gam ii Capital khuapi ahi Kathmandu City sung aom Airport ah akumding in akithawi laitak in atuahsia kici hi.

Hih US-Bangla vengleng pen Bangladesh gam ii Capital khuapi ahi Dhaka City panin Nepal gamsung zuanin alengkhia ahihi. Vanleng sungah atuang mi 71 te lakah mi 17 ki honkhiathei in, adang Passenger te bangci cihpen kitheician nailo hi ci’n Airport Spokesman Birendra Prasad Shrestha in genkhia hi.

Hih vanleng tuahsiatna hangin Kathmandu Airport zong ki khakcip in, adang vanleng atuding te amundang ah ki tusakzawphot hi. Vanleng akiatsuk ciangin mei kuangziahziah a, meikhu ziahziah in dipkuat huai mahmah kici hi.

Nepal gampen mualleguam atam mahmahna gamkhat hi a, vanleng tuahsiatna Air Accident pen omthei zezel hi. Adiakdiak in vanleng aneute tuahsia pahpahthei hi.

1992 kum inzong Thai Airways khat Bangkok City panin Kathmandu Airport ah akumding in akithawi laitak in kiasuk in, asungah atuang Passenger leh Crew khempeuh in sihlawh uhhi.

More: Tuiciim leh mencim hangin India, Nepal, Bangladesh gamsung ah misi 165 phakhin

US-Bangla Airlines kici pen US-Bangla Group te neihsa hi a, U.S. Bangladeshi Joint Venture Company khat ahihi. Sawltak #zomidaily