Lebanon gam aom Hotel khatah thautawi khatin mi 3 kaplum

Lebanon gam aom Hotel khatah thautawi khatin mi 3 kaplum

Lebanon gamsung Tripoli Hotel khatah migilo thautawi khatin Security Guard mi 3 akaplup khitciang in Hotel aom mi pawlkhatzong Hostages dingin paikhiatpih cih Fox News in pulak khia hi.

Mediterranean Sea sung aom Lebanon gamah Tuesday ni in thupiang hi a, Luxury Hotel nasia mahmah khat ahi Corinthia Hotel sungah thupiang ahihi.

Tripoli security agency pan Spokesman khat ahi Essam Al-Naas in Associated Press te kiangah agenkhiatna ah Hostages mi honkhat tonpih cihciang hi a, mi bangzah taktak tonpih cihpen kuamah in genkhiathei nailo uhhi.

Hotel nasem khat ii genna ah thautawi in amai atuamcip mi 5 honglut uh a, Security Guard ah Duty in aom mi 3 kaplum uh cihi. Mihonlak ahzong thau tawh khatveivei hong galkap zakzakzel uh cihi.

Tuakhit ciangin Security Guard tetawh kikap uh a, mawtaw khatzong Bomb tawh puaktam cihi. Hotel sungah zin atung atawmzaw pen Italian, British, Turkey cih minamte hiphadiak hi. Tuaban ah Prime Minister Omar al-Hassi zong hih Hotel ah zintung theizel a, ahi zongin hih buaina apian laitak in omkhalo hi.

Hih buaina vaitawh kisai athu ala akician in Lebanon kumpi thunei te’n akancian laitak ahihi. ZD Sawltak