Nawi agolsaknuam numeino khat buanthuak

Nawi agolsaknuam numeino khat buanthuak

Malaysia gamsung ah nawi agolsaknuam numeino kum 13 aphakhin khat buanthuak, Rape thuak cih Sin Chew Daily pan kiza hi. Tua numeino pen nawi agolsakthei “breast enlargement specialist” akici khatin abuan cimawk hi.

Tua nawigolsakthei Specialist akicipa pen buan athuak numeinu leh alawmte’n abeisakum December kha pekpanin WeChat tungtawn in atheihkhiat ahihi.

Specialist akicipa in tua numeino te kiangah anawi uh hoihtak etciantheih nadingin na guaktang un nakizaih un Nude Photo hongkhak un, tua hileh nanawi uh agol takpihiam cih hoihtak in kong Monitor theiding hi ci’n vaikhak hi.

Tua numeino tezong nawigol deihlua mahmah uh hidinghiam, aguaktang Photo te uh khakpah uh hihtuak hi. Tuakhit ciangin Specialist kicipa in nalawmte tawh Penang, Bukit Mertajam aom Shopping Center ah maitang kituah in ihkimuh, ihkikum dinghi ci’n vaikhak hi.

Tua kimuhding alawmte tawh akiciamkhit ciangin Specialist pa’n kum 13 aphakhin numeinu pen alol zawdeuh in hongpai masa in ci’n vaikhak hi.

Tuanu zong alawmte ngaklo, zawnnawnlo in, amahguak nawigolding lawpluahiam, Specialist patawh akimuding in paimasapah daidai hi.

Specialist kicipa tawh akimuh ciangin kamit puansia tawh honghensak “Blindfolded” in hongkoih masa ci a, tuakhit ciangin khua kaphawk nawnkei cihi. Ahi zongin khua aphuakkik ciangin Specialist kicipa’n hongbuan ahihlam katheipan hi ci’n buan athuak numeinu in Sin Chew Daily te kiangah genkhia hi. Atunglam golsaklozaw in, anuailam…..

Tuabang thuteng apian ciangin tua numeino in Police Report bawlpah cih kiza hi.

Adang numeino kum 15 aphakhin khatinzong agenna ah Specialist akicipa pen muanmawhna lungsim kanei a, February kha akipan Phone kakhak nawnkei cihi.

Photo akhaknop nawnlo pen Specialist kicipa in atheih ciangin Photo athak nongkhak nawnkeileh nidangin nongkhaksa na guaktang Nude Photo te Social Media ah khahkhia in hong mindaisakding hi’ng ci’n lauthawngsak sawnsawn hi.

Tuabang tengtawh tua numeinu inzong aguaktang Photo tepen Specialist kicipa kiangah khasim in khakngekngek denhi.

Nung Decemter 5 ni in tua Specialist kicipa in apualam ah ihki muding hi, tua hileh napumpi mahmah kong khoihsak nuamhi ci’n numeino kiangah vaikhak cihi.

More: South Africa ah numei 3 in pasal khat zawhthawh thutawh buanhuan

Numeino inzong acihnading theilo, ama pumpi abawlsiatding patau ahih manin, tua Specialist tawh kimuhpihding in pailo a, Police te kiangah December 11 ni in Report bawlkhin cihi. Police te’n tua Specialist kicipa pen azonsan laitak uh cih kiza hi.

Hih bangdan thuthang, numeino te kikhemna pen gamtuamtuam ah omthei kawikawi hi. Hong kigen khempeuh uppahpah lohdingzong thupi khading hi. Sawltak #zomidaily