Pumpi sung nasepna te leh ngaihsutna

Pumpi sung nasepna te leh ngaihsutna

Ci tawh zasan tawh gamsuaklu tawh kihel in pakan khatsungah ki koih hi. Ni lah sa ahihmanin a thuk lim a kisak mahmah hun ahihi. Naupangte in ne ziahziah in thuksa pipi, thak sa pipi kidik hathat uh hi. Tualaitak mahin naupangkhat in a khutah suaklu pumkhat tawi in na nek dingin na khut ah hongpia hi.

A thuk na duh laitak a hihtawh la in nakam sungah na pet to hi. Thuksa na hihmanin na cil hong phul hi. Hih lai nasim laitak in nacil hongphul khathei ding hi. Hihpen na kamtawh a taktak in suaklu na nekloh hangin nacil a phul ahihi. Tua pen nakhamit tawh na muhna leh na ngaihsutna in na pumpi sungah na hongsem ahihlam honglak hi.

Cilphulna pen kamsung ah a phul hi ziautawh ki banghi. A hihhangin kam sungah hong phultheihna dingin gilpi, gilzangsung, khuakbu sungleh sizang sazang sungkhempeuh ah kizel masa hi. I gennop thu taktak pen na lungsim ngaihsut thu in na pumpi tung, na pumpivan khempeuh tungah na sem hi cihthu a gennuam i hihi.

Mipil in ki ngaihsunsun leng ih khuak hong hoihtuam ding hi. A cidam in ki ngaihsunsun leng i ci damtuam takpi ding hi. Ih ngaihsut bangin a piangdingin ih pumtung nate in na sempah lian hi. Ngaihsutna pen i thupha naak, ih nuntak na naak ahihi.

Leitungah mitampi a omlakah nangpen nanga’ding bek mah na hihi. Pasian in midang tawh a kibangin hongbawl hetlo hi. Nanga’zongh mipia lo aa mite a’zongh nang hongpia hi tuanlo hi. A tuam vivel a kicing sitset in Pasian in hongbawl hi. Book Ref: Baihlamtak a Nalianpi Sepna/ Siamsin Library