Malaysia pan IS galkap khat Thai gamsung ah lutding ci’n patau mahmah uh

Malaysia pan IS galkap khat Thai gamsung ah lutding ci’n patau mahmah uh

Malaysia gamsung panin IS tetawh akizom khat Thai gamsung ah lutsim cih ki ummawh ahih manin Thai Security Agencies te patau mahmah uh cih Bernama pan kiza hi.

Thai Defence Ministry Spokesman Maj Gen Kongcheep Tantravanich in agenkhiatna ah Malaysia panin IS galkap khat Thai gamsungah lutding ki ummawh cihi. Tua ahih manin Army Region 4 leh Royal Thai Police te aki gingsa in kikoih a, hoihtak ki enciksak cihi.

Tuaban ah mipi te’n lunghimawhlo in Thai Security Agencies te nasep leh kumpi vaihawmna te hongmuang un ci’nzong Statement ah genkhia hi.

Malaysia Inspector-General of Police Tan Sri Khalid Abu Baka inzong Malaysia gamsung ah IS tetawh akizom pasal 4 leh numei 2 kiman hi ci’n Wednesday ni in genkhia hi.

Malaysia gamsung ah IS tetawh akizom migilo teng akibet laitak in kum 27 aphakhin Muhammad Muzaffa Arieff Junaidi kici khat ki khahsuah cihi.

Tuapan pen Pistol khatleh M-4 Carbine Assault Rifle khatzong apua hi a, Southern Thailand sungah lutding in ki ummawh cih kiza hi.

More: Thailand ah Kawlgam numei abuansawm khat temta tawh kidawtlum

Southern Thailand ahzong Muslim honpikhat om uh a, abeisa hunsung inzong buaina tuamtuam piangsakden uhhi. Malaysia gamsung ah akiman IS galkap akiman te vanzat galvan tezong Southern Thailand panin alut hiding kici hi. ZD Sawltak #zomidaily