Malaysia Airlines te website ki Hack

Malaysia Airlines te website ki Hack

Lizard Squad Hackters te’n Malaysia Airlines te website pen tuni zingsanlam in Hack sak uhhi. Kumpi thunei te genkhiatna ah ISIS kici Islamic State of Iraq and Syria te gamtatna mah hiding ci uhhi.

Malaysia Airlines te website ahi www.malaysiaairlines.com maitang ah “Plane not found,” ci’n lim suaksak uh a, nungdiak in a vanleng mangcip te uh ciamnuih bawlsak uhhi.

Tuaban ah Website Title zong “Isis will prevail” ci’n laihsak uhhi.

ISIS apanpih Hackers te’n nunglam inzong Twitter, YouTube Account pawlkhat zong Hack ngeikhin uhhi.

Experts pawlkhat te genkhiatna ah tuni MAS te website ki Hack pen DNS Redirect ciangbek hi a, asung aom Database te bangmah guksak neiloding uh cihi. Malaysia Airlines thunei te’nzong tuabangmah in hih Hackers te’n Customers te Data guptheih neikei uh cih genkhiase uhhi.

Tua kammal pen Hackers te’n zadah uh a, zuau thu genkei un, na Data kalak te uh hong khahkhiading hi ung cihsan hi.

Lizard Squad kici Hacker Group tepen hong minthang semsem uhhi. Nunglamdiak inzong Sony PlayStation Network leh Microsoft’s Xbox Live Network tezong amau suksiatsak in kigen hi. ZD Sawltak #zomidaily