BBC Burmese Program te Kawlgam TV (MNTV) panin khawlbawlta
Myanmar, Yangon panin aki khahkhia MNTV (Myanmar TV Channel) panin BBC Burmese Program te ki hemkhiata uh cihi. BBC Burmese Language Service te’n tuni Monday (September 04) ni in agenkhiatna ah Myanmar Television Channel panin Broadcasting Deal pen ki khawlbawl tading ci uhhi.
BBC Burmese Program te’n hihbang in akhawlna ahangpen “Censhorship” vaimah hipipen a, adiakdiak in Muslim Rohingya Minority vaitawh kisai in ki telkhialhna tampi om ahih manin, akhawlbawl uh kici hi.
2014 April kha akipan BBC Burmese Program pen MNTV tungtawn in nisim in aki khahkhia “Daily News Program” khat hi a, nisim in a enden zong mi 3.7 Million Daily Viewers bang om cihi.
Ahi zongin tukum March kha akipan MNTV Censor tuamtuam hangin Program tampi khawlbawl uh a, tuni ciangin MNTV panin BBC Burmese Program pen akhawlsiangta uh ahihi.
BBC World Service Group ah tulaitak Director asem Francesca Unsworth in agenkhiatna ah BBC Burmese panin aki khahkhia Program tepen adang TV Channel te’n nawngkaisak ahih manin, BBC angai a en mipi te leh BBC kikal ah kitelkhialhna piangsak hi. BBC Burmese Program panin akivaihawm Program tepen tukum March kha akipan khahkhialo in hongki koihsak in, tuabang in gamtatna pen ki thukimna Contract asukha ahih manin, hihvai pen MNTV tezong ki zasak hi.
Ahi zongin bangmah ki lamdanna omtuanlo ahih manin, BBC Burmese Program pen MNTV panin aki khawlsiangvet ahihi ci’n genkhia hi.
BBC Burmese Program hong etsak, hong ngaihsat te tungah hihbangin buaina leh lemlohna apianna manin kongthuum uhhi. Ahi zongin BBC Burmese Program pen Website tungtawn in ahi zongin, BBC Burmese Facebook Page pan ahi zongin, YouTube tungtawn in ahi zongin ahunhun in hong khakhia veveding hi ung ci’n genbeh hi.
Aung San Suu Kyi pen akimatciplai, House Arrest in akikoih hunlai in BBC World Service hitaleh BBC Burmese Program hitaleh Radio panin angaih zelzelkhat ahihi.
Related: Germany ah Cable Car in akhuam phukha in vandawn ah mi 75 awkcip
Ahi zongin tu’n Aung San Suu Kyi in Myanmar gamsung ah thuneihna aneihhun laitak in Broadcasting vaitawh Censhorship nawngkaina om ahih manin, BBC te’n MNTV panin khawlsan zawbehlap uhhi. Sawltak #zomidaily
Comment piaknop aomleh...