ZAM Thupuak :: 31 August 2014

ZAM Thupuak
ZAM :: Zomi Association of Malaysia

UN Conference ah Zomi Makaite

A 65 veina UNDPI/NGO Conference pen UN Headquarter, Trusteeship Council Chamber (Conference Building), New York, USA ah August 27-29, 2014 ni thum sung kinei a, gam 117, NGO 900 pan Tangmi (Representative) 4000 val kihel thei hi. Tua sungah ZIUSA zong Civil Society khat ahihna hangin NGO Tangmi (Representative) le Consultant min tawh Pu Go Sawm Khup (President-ZIUSA), Pu Do Khan Khup (GS/ZIUSA), Rev. Pau Khan Khai le EC sung pan makai vekpi 30 kim tangmi in kihelthei uh hi. Tua banah Kawlgam pan Pu Gin Kam Lian (GS/ZCD), le Siamah Esther Cingsan te zong va kihelthei uh cih kiza hi.

Hih UNDPI/NGO Conference ah Mr. Ban Ki- Moon (UN General Secretary) in hun honna le makaite muakna nei a, H.E. Mr. John W. Ashe, President of the 68th session of the General Assembly in zong thugenna tom nei hi. Tua banah Ms. Samantha Power, Permanent Representative of the United States of America to the United Nations in zong tutung Meeting kah NGO bangzah cihte le lungdam thugenna nei hi. Tutung UNDPI/UN tungtang ah “2015 and Beyond” cih thubulphuh in kinei a, mai 2015 kum akipan leitung khuahun kikhelna (Climate Change), bangci kep ding cihte le zawnna (Poverty) bangci kiamsak ding cihte kikuppi in nei uh hi.

Tua ahih manin tutung UNDPI/UN Meeting ah Zomi te zong UN ah thukuppih thei Consultative and Representative khat ahih tawh kihelthei i hih manin, mai lam Zomi le Zogam mabante puah le zuun zia ding muhna le hanciamna thak kineithei ta ding cih lametna le thungetna hisak ding hi hang. Abeisa hunte ah Zomi te pen UN khawmpi kah thei cih genloh, UN zumpi nangawn a mu khalo minamte i hi a, tu petpet in Pasian in namdangte tawh kikim in hong lamto ta ahih manin Topa min kiphat semsem ta hen. Topa aw, Zomi te hong makaih in!

Ref: UN Live Webcast &
Pu Do Khan Khup
Source: Tongsan Media

Health Equity Initiative (HEI) tawh kimu khawm

August 27 ni-in kipawlna makai pawl khat leh Health Equity Initiative (HEI) nasemte kimuh khopna HEI zumah kinei hi.

HEI lam panin amau nasepna teng pulakna hong nei masa uh hi. Amau nasep pen a diakdiakin lungsim tawh kisai cidamna sem uh hi. Tua dan a tuak mite omdan gamtat dingdan genpihna, lungsim damlo te ki thuahpih a bawl hoihna, zatui le zaha tawh bawlna, a thu le la teng hoih tak kancianna leh gambel mite ading zum kong mang kongah thum sakna nei uh hi.

Tua bek thamlo in natna satna pan dalna, cina luna te khoina leh damlo leh zongsatna hoihlo neite atuam a kepna nei lai uh hi.

Mai lamah kipawlna te tawh atung a sepnasa te sangin a tangzai zawin bang cih sep theih lai ding cih a paikhawm kipawlna makaite tawh ki kupna kinei hi.

Theihding: Zomi sungah lungism lam tawh kisai damlohna atuakkha na theih aom leh ZAM zumpi ah hong zasak un. Ki panpih nuam hi.

QUALITY or QUANTITY

Puansilh ahih kei leh vanzat khat peuhpeuh a hoih te pen a Quality hoihtak ei kici hi. Hoih in hoihta kei leh amal tamte pen Quantity kici hi. Kei gennop bel ta tamneih leh tawmneih thu hi. Ta pen 1-3 bang nei a Pasian thu tawh hoihtak pantah in pilna sangpi sinsak ding maw or 10 val bang nei dingin pattah zawh mel neilo a lamdung avak kizang thei mello Quantity tamsak lel ding cih ngaihsut huai kasa hi. Tuhun pen pilna khang mahmah in ta zong ei deih hunhun a lak theih hilel ta hi.

Tu laitak ei Zomi te gam 3 na pai dingin lamkal ah ih dinkhawl laitak hi in tua kawm mahin kipi kiteng in parcel kikhak in ngimna nei mello in ta neinei mawk ih hih manin kei ommuan in kalung na himawh gige hi. Mai lamah ih vak zawhloh dingpi a neih nuam salel a mawk neihneih ih hitam maw na cici ing.

Ahang pen ngimna ngaihsut kholhna neilo in kiten nak leh ta neihpah loh phamawh bangin ngaihsun in nausuah ding teh sum neilo in UN khawng ah huhna ih nget pen zum huai mahmah hi. UN (IAD) officer ten banggen hiam cih leh nanau suah ding pen tu a natheih pat hilo in kha 9 sung bang kigin hun ding nei hi teh ci-in ahi mah ahi hi. Nau ih neihsawm leh zong ih nupa a sumkhol phot a sum neihnai kei leh zong nau halna zatui zang akicingneih teh neih theih luat hilel hi.

Nam dang ten angen zongin Zomi te peuhmah in ei nausuahna ding lawmlawm huhna ngenlo a ei ta ei sum mah tawh ih neih zawh nang hanciamin UN huhna tawh nauneih sawmnawn kei ni. IAD officer pawl khatte ong kona tel leng huhna nget pen zum huai lua mahmah hi. Mangpau ih theih loh man a paipai ih hi a mihai bang a ong kiko teh ken no tang in nasa mahmah ing.

Mikang te bangin bel amau pattah zawh ngapzah 1-3 a tamzaw in nei uh a pilna sinsakzo gai ahih manin ahai vak aphei vah tawmzaw pah uh hi. Pantahzo cihna hi. Ei Zomi te in birth control nau halna limzat nailo ih hih man nu leh pa khitui a luangsak khangno khamtheih zang kitam mahmahta in mi a ong piankhit teh ei ta mah hi-in siata leh kipai theilo hi. US vatung lai le cin hoihtak na pattah zawh kei a zongeina nahilh zawh kei leh kum 18 a cinkhit uh teh numei pasal in inn ong tuansan mangin nang taneih si in ong lehvak khollo zong omkha thei ding dinmun a tung ding hita ih hih manin pilvang tak a thungen a nupa a thunget khop ki kupkhop cihte thupi mahmah hi. Ta mawk-neihneih in a gol a thu ong manloh teh nangta hi ei nang hilh o ih kicih sangin ih neihma a Quality or Quantity ngaih sut kholh ding thupi mahmah hi.

Child psychologist te genna ah naupang khat leh khat kum 3 peuh mah kihal leh hoihpen hi ci uh hi. Ahang pen hoihtak kem khoi in cidam cihna hi. Anu zong agil awng manlo liang a kumsik a neihdet keei zong a cidamna in zolo thei hi ci uh hi.

Zomi tuailai lia leh taang te aw pilvang takin zi/pasal/ta ong nei unla living together khawng Zomi te ading hilo aih man zangkei tapeuh ni maw’ Mi gam milei ah ka Zomi pihte khutdawhngen leh khamtheih zang kamuh teh nasa lua in Zolia & Zotaang te aw ei khangah nam dangte ih batzawhna dingin QUALITY or QUANTITY ong khensiam mahmah un maw. Khangthak Zomi mipil a kigen te nakan lecin tatam nei na omlo ding uh hi.

Sia Kamtawng
New Life 4U Ministry (N4M)

Kiallap Malaypau leh Mangpau sinna : Zato a zatding

Zopau

Ka ci nuam kei, Siavuan tawh kimu nuam ing.
Min khumman RM 15.
Na natna koitak hiam?
Ka natna bang ahia?
Siavuanpa aw, hehpihna tawh UNHCR ah memo hong gelh sak ve, kanat lam a theih na ding leh a beizah a theihna dingin.
Hih pen lungno thahna/dalna zatui hi. Siavuan te hong gen bangin a course beidong ne in.
September 13 ni hong paikik in maw.
Nong paikik ciang sisan sit ding, hehpihna tawh a tawmpen nai 8 sung bangmah nane ken maw.
Nadam siang dong muktuam nathuah den in maw.
Na meima nisim sawpsiang den kul hi.

Malaypau

Saya sakit, saya perlu jumpa doktar.
Caj pendaftaran adalah RM15.
Mana sakit?
Apakah penyakit saya?
Doktor, tolong tulis memo kepada UNHCR dan beritahu mereka penyakit saya dan saya perlukan bantuan kewangan untuk rawantan.
Ini adalah antibiotik. Anda perlu makan mengikut waktu yang ditetapkan dan habiskan.
Temujanji anda adalah pada September 13.
Anda perlu buat ujian darah temujanji yang akan datang, sila puasa sekurang-kurangnya 8 jam.
Anda perlu memakai penutup mulut sepanjang masa sehingga anda pulih.
Luka perlu dicuci setiap hari.

Mangpau

I am sick, I need to see a doctor.
Registration fee is 15 Ringgit.
Where is your pain?
What is my sickness?
Doctor, please write a memo to UNHCR to tell them my sickness and cost for treatment.
This is an antibiotic. You need to take according to the time guide and finish the full course.
Your next appointment is on September 13.
Next appointment is to do blood test, please fast for at least 8 hours.
You have to wear a mask all the time until you recover.
The wound needs dressing everyday.

ZOMI LEAGUE 2014 honpawi nuamtak kizo

Malaysia gamsung a om biakna mintawh biakpiakna anei Zomi pawlpi tuamtuam teng kilawmtat theihna ding a kibawl ZOMI LEAGUE 2014 August 24 ni zingsang nai 9am in Taman Pudu Ulua tualpi ah honpawi kinei hi. Francis Khampi in kilawmtatna a thupitna thu agen khit ciangin Rev. Thawng Ngaih Khup in thungetna hong neih sak hi. Thungenna leh thungetna man khit ciangin mipi te’n khutbetna tawh honpawi nasia takin kibawl in tha kingah thei mahmah a, honpawi ni a kimawl khempeuh zong siam thei mahmah uh ahih manin mipi te’n tha kingah mahmah hi.

http://www.youtube.com/watch?v=edbQgMibWSg

ZOMI LEAGUE August 24, 2014 Results pulakna

ZOMI LEAGUE 2014 maikal September 7 ni kilawmtatna kimawl ding pawlpite

Tukal Palaai te buaipih diak teng

Khup Za Lam (Vongmual) Ampang zato ah August 26 ni-in ki buaipih.
Alambin Rashid Amad zato ah August 27 ni-in ki buaipih.
Cing Don Sian (Tuikhaal) Ampang zato ah August 28 ni-in ki buaipih.
Zam Thian Pum (Limkhai) Klang zatopi ah August 29 ni-in ki buaipih.
Pa Ngaih Tuang (Haiciin) te innkuan nausuak laivai JPN ah ki buaipih laitak.
Pa Dal Muan (Kawlpi) Sunggai Buloh zato ah ki buaipih laitak.
Pa Thang Sawm Lian (Vangteh) damloh vai ki buaipih aa, UNHCR ah huhna kingetsak in, UN card hong ngah thei ahih manin kilungdam pih hi.
Thang Sian Muang (Tuitawh) August 25 ni-in Dangwangi Polis zum pan honkhia thei.
Mung Bawi (Kaptel) Dangwangi Polis August 28 ni-in zum pan honkhia thei.
Nicholas Tuang (Zozaang) August 27 ni-in Salak Selatan Polis zum pan honkhia thei.
Chin Khan Lam (Pyidawtha) Kajang thong ah kiveh thei.
Man Ngaih Zo (Zozaang) August 28 no-in Kajang thong ah kiveh thei.
Cin Khan Lian (Zampi) August 28 ni-in Kajang thongah kiveh thei.
Gen Khan khup (Gamlai) August 28 ni-in Sanpeng Tenaga Palik zum pan ki honkhia thei.
Thang Dal (Khuasak) Bukit Jalil Immigration Lockup ah kibuaipih in, a body numbat 11311 ki ngahsak hi. Block C ah omlai hi.
Camp sunga om a tamzaw anuai a bangin UNHCR zumpi OPI ah min hong kipuaksak leuleu khin hi.
Bukit Jalil Lockup a om mi 15
Semenyih Camp a om mi 18
Langkap Camp a om mi 7
Tanahmera Camp a om mi 7
Lengeng Camp a om mi 10
KLIA Camp a om mi 8

Tua ih suaksak teng pen tukal sungbek a ki buaipih man teng hi-in, adang zong kikankan lai hi. Puaksa te min leh a phazah hong kigelh khia nawnlo ding hi. Camp tungsa alui athak kigawm mi 1200 kim pha khin hi. Hih pen ZAM Card tawi teng bek a hihi. (Sia Tuangpu)
Theihding: ZAM pan ki buaipih honkhat te’n Thupuak ah hong suaksak kei un ci a hong ngetna tawh ki zui-in kisuak saklo hi.

KHUADO pawipi bawlna ding mapan khopna apiasa teng

Khua kipawlna pan:
Anlangh RM200
Buan RM100
Cingpikot RM100
Chiantagyi RM100
Cikha RM100
Heilei RM200
Kaptel RM200
Keltal RM100
Lailui RM200
Lunmual RM100
Mualnuam RM100
Muizawl RM100
Ngalzang RM100
Pimpih RM100
Phaiza RM200
Sezaang RM200
Singunau RM100
Suanghoih RM200
Suangsang RM100
Taakkhawl RM100
Taaklam RM100
Thalmual RM200
Theizang RM100
Tuimang RM100
Tuimui RM100
Vongmual RM100
Pawlpi pan:
CMF RM200
MZCC RM200
ZAC RM200
ZCA RM200
ZCCM RM200
ZCF Kajang RM200
ZCF Kota Damansara RM200

Theih huai: ATM ah sum khol/sum thoh kidop huai

Nungkaal sungin Zomi sungah thupiang ahih manin Bank card neite in ATM ah sum na khol ciangin, sum na thoh ciangin ahikidop huai mahmah hi. Zomi sungah ih sanggam te khatpa in sum khol dingin ATM mai ah adin laitakin migi lo te 5 in umcih in, Bank password meeksak in sum om khempeuh RM4000 val a vekin a laksak khit uh teh, na inn ah kong khua uhdiam? Na lungkim hiam? Ci in adotkhit teh Mawtaw hoih mahmah khat tawh paikhiat san cih thu piang om ahih mnain Zomi te ih kikep siam mahmah ding kisam hi-cih ZAM zumpi panin kong theisak uhhi.

Nausuak Nu leh Pa te in theih huai

UN card nei leh neilo kisai lo in nausuah khitphet teh kumpi matpongten zum JPN ah nausuak lai lak loh a phamawh a hihi. Nu leh pa in UN card a neihkhit hangin tua JNP pan nausuak lai a om kei leh naungek in UN card ngah theilo ding hi. Tua nausuak lai bektawh UN ah nau a ki lutpih ahihi.bangmah in ZAM card bek a tawi Nu leh Pa te in nausuah ciangin nausuak lai lak na ding maibingin lau uh ahih manin hi ci omcip Nu leh Pa omthei uhhi. Nausuah zawh ni 42 acin khit leh nausuak lai lak dingvai sah mahmah ta ahih manin tuabang nausauk ding Nu leh Pa khempeuh in ZAM zumpi ah nong zaksak ding uh deihsak na tawh kong zasak uhhi.

Australia pan laikhak ngah ding om

Cin Deih Thang
Pau Khek

ZAM Card tawi Zomi te ading nasep

UNHCR-EST nasep zon sakna panin Johor Bahru KFC leh Kuantan KFC sai a sem dingin Zomi citak mi kideih behlai hi. Alunglut khempeuh ZAM zumpi ah na min sazian uh hong piapia un. Alunglutte kizopna ding: Mangpu 019 510 6413

2014-2015 ZAM thudotpi 7 teng

Rev. Dr. Cin Sian Pau : 017 329 1810
Rev. Thawng Ngaih Khup : 010 264 3312
Rev. Thang Do Khen : 017 611 5622
Rev. Gin Do Khup : 017 344 7847
Pa Gin Khua Thawng : 010 890 7181
Francis Thawng Cin Kham : 016 269 1351
Pa Thang Za Khai : 012 621 2447

ZAM Palai sungpan kua tawh kizomding

Kimat kihen natuahkhakleh:
Sia Tuangpu : 016 254 4093
Sia Thaa Mung : 016 646 5375
Tanzung (Embassy vai)
Sia Joseph Mangsen : 018 354 2927
Zato vai kisapna aomleh:
Sia Kep Lian : 014 369 4897
Sia Kam Mung : 016 995 6231
Sianu Ngaih Hau : 010 823 0571
Nasep vai:
Sia Mangpu : 019 510 6413
ZEC Sangvai:
Sia Khoi Tuang : 010 286 6189
Laigelh sakvai:
Sia Francis Lamthang : 014 225 9458
ZAM Card bawlna
Sianu Cii Cing : 011 1282 8482
ZSM/Genvai
Sia Kam Mung : 016 995 6231
Sia Cinpi : 016 618 0041

September 1, Monday ni UNHCR, RSC leh DHS zumpi te kikhak ding a, ZAM zum kikhak tuanlo ding hi!

Address:

155A Jalan Maharajalela,
50150 Kuala Lumpur
Office Tel: 03-2142 6659
Hotline: 016-293 9027
Email:  [email protected]

Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna pdficonBiakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh ZomiDaily website tungpan kongsuaksak zelzel uhhi.

Note :: PDF tawh na simnop leh

Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…