Malaysia, Johor Baru – Seremban lampi tungah mawtaw kiphukha, mi 5 si
Malaysia, Jalan Johor Baru – Seremban lamzikpi tungah Bus mawtawpi khatleh adang mawtawneu khat kiphuhkha ahih manin mi 5 si cih theStar pan kiza hi. Tua asi mi 5 lakah naupang ngeklai khatzong kihel cihi.
Zanni Tuesday (Dec 12) nitaklam 6:10pm hunpawl in akiphukha ci a, mawtawneu sungah naupang khatleh adang ulian 5 atuangkhawm uh ahihi.
Mawtaw aki phutkhak laitakpen guah tamlua mahmah in, tualaitak in akiphukha kici hi. Hihvai tawh kisai in palik thunei khat ahi Segamat OCPD Supt Raub Selamat in agenkhiatna ah hih Accident tuahsiatna hangin aphual ah ulian mi 4 sipah uh a, naupangno pen Segamat Hospital akipuak laitak in lamkal ah asi cihi.
Asi akigawm in mi 5 hi a, tualo adang aliam khatzong nakliam mahmah in, gimmahmah a, zato ah kikem cihi.
A tuahsiatzia pen palik te genkhiatna ah mawtawneu ii phutkhak ci uhhi. Tua mawtawneu pen Labis khua panin Segamat khualam zuanin apai hi a, hatlua in hoihtak lenkipzo nawnlo, Lost Control ahih manin lamzikpi alanglam ah maingak in hongpai Bus mawtawpi pen amaipan in aphusuk cihi.
Hih tuahsiatna apianlaitak in Express Bus tungah Passenger leh ahawlpa tawh mi 14 atuangkhawm uh hi a, ahi zongin Bus tungah atuangte asi aliam kuamah omlo uhhi.
Tua Express Bus pen Johor Baru aom Larkin Bus Terminal panin Segamat khua zuanin apai laitak ahihi.
More: Motorcycle tailaikhat in mawtaw khat tuanphei in Accident pianggawp
Bandar Baru Segamat Fire and Rescue station chief Mohd Aizad Mamat inzong hih tuahsiatna aomciang in 6:11pm hunpawl in hunngetna Distress Call hongki zaksak cihi. Firefighters honkhat in aphual ah delhpah uh a, mawtawneu sungah misi luanghawm te hepkhiat, kaihkhiatpih uh cih kiza hi. Sawltak #zomidaily
Comment piaknop aomleh...