Thuthak Tomkimcing 3 Aug 2014

A. Tedim khuapi huam, Valvumkhua ah’ Japan te Meihool Company

Japan te in Zogam Tedim khuapi huam Valvum khua ah meihool dum hongkhia in nasep kipan ziahziah uh a, Kawlte Japan pausiam khat kamphen in zang hi. Kawlpau pan in Zopau ah kamphen Pu Zam Go Thang ( Valvum awkaih) in kamphen hi. Pasal Numei nasem la in hunbit daak 8 lianlian sem sak setset uh hi. Pasal te kha sum Kyats 100000/- hi in Numei Kha sum Kyats 80000/- pia setset uhhi. Ei pilna in i mite kha sum piak dingsang in nasep loh khasum ei hong kipia ding sum, Zomi mipil te in i minam ki makaih hi. Zomi mipil khat in nasep hoih hong nei in hileh Zomi amipih minam sungpan bangzah in nasep neih lawh ding cih pilna siamna Zomi mipil ikisam hi. Zomi khat neek tawn zonna ah eipilna in imi nam gilkial te gilvahsak na ding pilna siamna kipia zo nailo minam sung ah min leh zaa bek pilna anei pan Zomi leh Chinmi ihi pan lelhi. Hih Meihool nasem te mi 25 in nisim in sem ziahziah uh hi. Japan te in agen na ah Zogam Tedim khuapi ah nasep ding tampi omlai hi ci uh’ cihi. Zomi mipil ten bangteng sepzom ding imu hiam? Na mite misila suaksak ding nahiam ? Ei leh ei nasep kiguan thei pilna zon hun ahihi. Photo Credit Mua Muan!

Photo a Size golzaw in na etnop leh atungah namek lecin…

B. CHINDWIN EDUCATION EXHIBITION 2014

CEE ( Chindwin Education Exhibition 2014 ) cih Zogamsung puah zia ding Engineer lamsiam , 3D, 4,D nasep siam kiva mahmah mipil miciim te kiho tuah na Yangon Chatrium Hotel ah 1 Aug 2014 ni in Engineer kici khempeuh autut pai theih leh ki holim theihna khat kibawl ahihi. Tua mun ah Education, Construction leh Technology vai nasep zia tampi kigen cih kiza hi. Bangcih sep ding koi masak ding cih thukan te in dotna te akidawng omnailo in thusim dan in masuan kizom dan bek in kidawng kicihi. Leitung mipiltam pi te in Zogam ip lah mahmah uh hi. Ahang in Zogam ah zinlinglo, votlua le lumlua omlo, Meimual leh Tuihual lau huai lo in mu uh hi. Leitung khua hun nakim Zogam ah om ci uhi.

Hau Thang