Naupang kum 8 khat anu in tawng ahih manin inntungpan tuakin si

Naupang kum 8 khat anu in tawng ahih manin inntungpan tuakin si

Malaysia, Johor Baru khuasung ah nupi khatin atanu taigawp ahih manin, atanu zong inntung panin tuaksukziau cih theStar pan kiza hi. Tua atanu pen kumtawmlai mahmah, kum 8 bek aphapan khat ahihi.

Johor Baru, Taman Tampi Indah vengsung aom Apartment khatah Friday ni in thupiang hi a, inndawl 9th Floor panin atuaksuk kici hi.

Hihvai tawh kisai in palik thunei Johor Baru North OCPD Asst Comm Mohd Taib Ahmad in agenkhiatna ah anu in tua numeino pen gamlumlua ci’n taigawp ahih manin, tuapan in hih buaina akipan cihi.

Anu in atanupen gamlumlua ci’n ataikhit ciangin atanu pen inndeisung ah lutin asungah kongkhak kikalhkhum cihi. Tuakhit ciangin atanu pen inndeisung tawlet “Window” panin alengkhia hiding hi ci’n Police te’n tuni Saturday ni in Statement khahkhia uhhi.

Atuahsiat pen Friday nitaklam 2:30pm hunpawl hi a, inndawl 9 na panin atuaksuk himawk ahih manin, alupen nakliam mahmah cihi.

Hih tuahsiatna apianna pen anu in atanu ataigawpman hiding kici a, anu inzong hibangliang in atanu pen inntungpan atuaksukding sahetlo cihi.

More: Naupang kum 5 aphapan khat innsangdawn pan kia in silo, liamgawp

Hihvai pen tulaitak Police te’n tuahsiatna tawh asi “Sudden Death” ci’n ciamtehphot uh a, ahi zongin akicianzaw in athu hoihtak kancianlaiding uh cih kiza hi. Naupang kum 8 bek aphapan dingin alungsim khentatngam leh gamtat mahmah mawk hi. Sawltak #zomidaily