Malaysia, Kuala Krai ah mawtaw tuahsia in, sangnaupang mi 6 si, 8 liam

Malaysia, Kuala Krai ah mawtaw tuahsia in, sangnaupang mi 6 si, 8 liam

Malaysia, Kelantan State sungah sangnaupang apua mawtaw khat kibung in mi 6 aphual ah sipah cih NST pan kiza hi. Atuahsia mawtaw pen Van mawtaw namte khat hi a, Kuala Krai District sungah “Ramadan Tadarus Program” akahding in apai uh cihi.

Tuni zingsanglam 9:30am hunpawl in mawtaw atuahsia hi a, mawtaw apei taalin innkhat phukha cihi. Asi mi 6 banah adangzong sangnaupang mi 8 liam cihi.

Tua sangnaupang tepen avek un pasal vive hi uh a, kum 15 leh 16 gualpawl vive ahi uhhi. State Government ii vaihawmna tawh Ramadan Tadarus Program akahding in apailaitak atuahsia uh ahihi.

Kuala Krai Fire Services and Rescue department operations commander Mohamad Hanif Che Khalid ii genkhiatna ah hih mawtaw tuahsiatna om cih hongki zaksak ciangin Firefighter mi 8 in aphual ah kidelhpah cihi.

Video etnopleh: Six tahfiz students killed, eight hurt in Kuala Krai crash

Firefighter te aphual ah atun uhciangin asi sangnaupang mi 6 tepen Van mawtaw sungah omlai uhhi. Firefighter te’n tua sangnaupang mi 6 te ii aluanghawm pen khatkhitkhat hemkhia uh a, Minute 28 sungah avekin hemkhiathei uh cihi.

Aluanghawm teng avekin Kuala Krai Hospital ah kipuak in Postmortem kibawlding cihi.

More: Malaysia gamsung “Public Housing” kici innsaap akiman zawdeuh ah aomte kidop huai

Tuaban ah aliam sangnaupang mi 8 tezong Kuala Krai Hospital leh Machang hospital te ah zatui kibawlding in kipuak cih kiza hi. ZD Sawltak #zomidaily