Singapore hawkguam sungah setbing apaihsak nupa te kimanta

Singapore hawkguam sungah setbing apaihsak nupa te kimanta

Singapore gamsung ah nupa kopkhat in oBikes akici setbing “Bicycle” te lamgei ah akikoih pen hawkguam sungah paihsuksak citciat uhhi. Tuabang in hawkguam sungah apaihsak laitak pen midangkhat in namukha citciat ahih manin, Video nazaihsim pah a, tua Video pen nungsungteng Social Media ah ki thehzak in, agamtatzia uh lamdang kisa mahmah hi.

Tua hawkguam sungah Bicycle apaihsak tepen nupa hi uh a, tuabang in agamtatna Video uhpen Tuesday (Nov 21) ni in hongki khahkhia ahihi. Viral Video sungah asuahkhiat ciangin amauzong ki bucipthei nawnlo in, Friday (Nov 24) ni in Bukit Merah East Neighbourhood Police Centre ah amauleh amau ki apkhinta uh cih kiza hi.

Singapore Police te genkhiatna ah tuate nupa pen apapi kum 37 aphakhin hi a, azi pen kum 36 aphakhin cihi.

Azenzen in thu akisitna panin amawhna kiciantak in akitheih leh tua anupa un agamtatna hangin thong kumkhatbang kiatheiding cimawk hi.

Tua oBike kici setbing kikawmtheih nadingin avaihawm Company te’nzong tua Viral Video amuhkhak uhciangin, tuabang in amau neihsa oBike te akipaihsak lungkimlo in Police Report bawl uh cihi.

oBike pen Singapore gamsung ah tukum April khasung in Official in aki Launch, akipankhia ahihi. Tuazawh ciangin Malaysia leh Australia gamsung ahzong ki Launch behtoto hi. Singapore gamsung ah aki Launch zawh April kha panin tuciangciang hih oBike te bawlsiatna leh buaina “Vandalism & Abuse” tuamtuam piangzel a, akigawm in 5 veibang Police Report kibawlkhin cih kiza hi.

Video: Couple caught tossing oBikes into drain have turned themselves in to police

Nupa ahoihlolam in ki lungtuakluat zong enhuai hetlo hi

“Nupa kilungtuak khuakhat in zolo” kici hi. Nupa pen ki lungtuakding thupi mahmah hi. Ki lungtuak ahih vevesam hangin, ahoihlam ah ki lungtuak thupizaw a, ahoihlo gamtat ginalo cihte lamah ki thutuakluat zong hoihkhin samlo hi. Nupa zudawn khawmkhawm cihkhawng pen aki thutuak ahitateu zongin hoihsamlo hi.

Singapore gamsung ahzong numei khatleh pasal khat (nupa hiding in ki ummawh) te ii gamtatna pen Video tawh Record kizaihkha citciat hi.

Zanni Sunday (Nov 19) nitaklam 5pm hunpawl in Lower Delta Road kici lamzikpi geiah numei khatleh pasalkhat in oBikes kici setbing “Bicycle” te hawkguam sungah lawnsukmawk uhhi.

Hih Video azaihkhapa in Stomp te tungah agenkhiatna ah nitaklam nai 4 leh nai 5 kikal pawlin mawtaw hawl in Lower Delta Road tungah kapai laitak, numei khatleh pasal khatin oBikes te hawkguam sungah apaihsuk kamukha cihi.

Amahpen Traffic Light ngakin aomlaitak hi a, tualaitak in numei leh pasal te’n oBikes tepen aki koihna panin domkhia uhhi. Tuakhit ciangin tua oBikes te lakah khatpen pasalpa in domphei in hawkguam sungah khiasuk masa hi.

More: Singapore, Yishun vengsung Public Area ah numei khatleh pasal khat omkhawm

Tua amuhkhak ciangin lamdang samahmah a, amanzong Video Record bawlpah hi. Akigawm in oBike apaihsak uhpen 3 peuhmah phading ci a, ahi zongin Video sungah 2 bek ki Record kha cihi. Video sungah numeipen inzong oBike Bicycle khat domphei in hawkguam sungah paisuk hi.

Hihbangdan gamtatna pen haivai taktak kasa hi. Hihbang milungsim cidamlo tepen leitung ah omhuai nawnlo hi ci’n Video zaihpen in genkhia hi.

Nungdiak inzong Singapore gamsung mahah pasalno kum 13 aphapan khatin Bicycle khat innsangdawn panin khiasuk mawk hi. Akhiat laitak agei panin Video kizaih a, tua gitloh gamtatna tawh kimanpah hi. Ih gamtatna khempeuh CCTV leh midang khatpeuh in hongmukei pheizong in Pasian in hongmu gige cih phawkdenleng, ih gamtat ihkidawmthei zawdeuh tammaw… Sawltak #zomidaily