Naupang kum 5 aphapan khat inndawl 5 Floor pan kia in silo, liamgawp
Malaysia, Penang State sung aom Flat khatpan in naupangno kum 5 aphapan khat kiasuk in asihloh hangin liamngawh mahmah cih NST pan kiza hi. Penang, George Town, Relau sung aom Flat khatah zanni Friday sunlam in thupiang ahihi.
Akiatna pen inndawl 5 Floor panin akiasuk hi a, asihloh hangin alu liamgawp ahih manin Serious Condition kici hi.
Hih naupangno pen amau omna Apartment inndei sungah naupang saikeel Bicycle khattawh akimawlmawl hiding in ki ummawh hi. Sunlam 1:30pm hunpawl in akiasuk kici a, akiatkhit cianginzong akiatna tawlet “Window” ah akimawlna Bicycle pen kikhai lenglang laihi.
Hih thubuai Incident aom ciangin Police te amanlang in Emergency Call kizasakpah a, ahi zongin Police te aphual atun ciangin naupangno pen Penang Hospital ah kipuakkhinta hi.
Northeast district deputy police chief Supt Izwan Abd Karim in agenkhiatna ah naupangno pen inndawl 5 Floor panin akiatsukna hangin aluguh “Skull” khaangkham in, anakguh tezong tampi kitan cihi. Agilsung Stomach ahzong asunglam panin siluang om, Internal bleeding om cihi.
Hih naupangno pen anu in innah khatguak anutsiat ci a, anutsiat laitak in a ihmusa in anutsiat cihi. A sanggam tekhat Sungai Ara ah mukhu “Kindergarten” akah hi a, tua adawnding in anu apaikhia ahihi.
Anu in agenkhiatna ah atapa pen aommawh mahmah Hyperactive Child khat cihi. Akimawlna Bicycle pen innpualam Window gei ah akikhai hi a, a ihmutna panin athawh ciangin tua Bicycle laksawm hiding cihi. Bicycle lading in Window ah akahtoh ciangin akiasuk hiding in ki ummawh hi.
Anu in hih atapa tuahsiatna pen keimahmah ii gitnatloh, kiciatlohna hangin apiang hi ci’n genkhia hi.
Related: Mawtaw tungpan naupangno khat kiasuk in apei in gawikhalodeuh
Hih Apartment ah Security Guard asem Napal gammi khatin agenna ah hih naupang pen akiatsuk, leilak atuk ciangin akam panin cilphuan kaai in, abil langnih paninzong sisan luangkhia cihi. Tuaciang in amukha Onlookers lakpan khatin Ambulance sapsak in zato akipuakpah ahihi. Hih thuthang tungtawn in naupangno te khatguak inn ah nutsiatkhak hetlohding hongphawksak phapha hi. Sawltak #zomidaily
Comment piaknop aomleh...