Australia ah asidek numei khat alunggulh aombangin tuipinawl ah ki paipih

Australia ah asidek numei khat alunggulh aombangin tuipinawl ah ki paipih

Australia gamsung ah numeikhat asiding hita a, anunung penpen alunggulh ahihleh tuipinawl “Beach” ah khuadak khiatding, huih siangtho dik hiathiatding cih ahihi. Tua alunggulh pen Australia Ambulance Crew te’n vaihawmsak takpi uh cih AFP pan kiza hi.

Ambulance Service te’n Facebook tungah agelhkhiatna ah cina numeikhat anunung penpen alunggulh “Final Wish” ahihleh tuipinawl ah khuadak khiatding cih hi a, ka paipih uhciangin lungdamlua mahmah hi ci’n gelhkhia uhhi.

Australia’s East Coast aom Hervey Bay panin tuipilam maingaksa in akizaih Photo khattawh Facebook ah khahkhia uh a, agei ah Ambulance nasem Paramedic khatin cina pen lupna tawh agei ah ngakcip gige hi.

Hih asidek cinanu pen abeisa in hihmun ah peingei a, asihma in khatvei apaikik teiteiding pen ama lunggulh mahmahkhat ahihi. Tuahang in Ambulance Service te’n vaihawmsak uh a, Thursday (Nov 23) ni in apaipih takpi uh ahihi.

Hih Hervey Bay akici tuipinawl pen nopci mahmah in, lungleng te adingin lunglenhuai, lungnuam te adingin alungnop huai mahmah munhoihkhat cihtheih ahihi.

Zato te nasep pen cina te zatui piakdingbek hilo hi. Skill leh Training tampi ihneih ihsin tawhzong kicinglo hi. Zato cihpen cinate kepna hi a, lungsim takpi tawh midangte thuakpih theihna, athuak bangbang in thuakpih siamna “Empathy” pen thupi mahmah hi ci’n hih Ambulance Service te sepkhiatna pen thupi kisa mahmah hi.

Deihloh penin zingciang asiding cih atheikholthei hizenzen lecin, anunung na lunggulh penpen bang ahitam? Nanu napa, na innkuanpih te tungah itna kammal nagennop velvel aomhiam? Amau tungah mawhmaina nangetnop aomhiam? Khualgamla ah aomkhat nahihleh tua na innkuanpih te awkhum nazakloh asawtluata hiam? Phone sungah a awkhum uh nazanuam hiauhiau hiam? Pasian maiah mawhmaina nangen nuamhiam? Tua nalunggulh penpen nasep manloh khakding patauh huaihi, tuni in tua na lungguh aombangin sepsawmpah in.

More: Christian Hymn te’ tangthu: Si-a Khut Guak Masuan Ding Maw?

Atung a “Christian Hymn te’ tangthu: Si-a Khut Guak Masuan Ding Maw?” cih thulu tawh akigelh penzong nasim in, lungsim lawngkha mahmah hi. Adventist Seventh Day te adingin “Happy Sabbath Day”, adangte adingin “Happy Sunday” mawlawm, leitung ah ihhun omlai te zatsiam ni….. Sawltak #zomidaily