IUD (Intrauterine device) pen naudalna namkhat hi a, numei te vansung ah akikoih ahihi. Nungdiak in naungek asuakcil khat akhutsung ah Mirena IUD tawisa in akizaih Photo khatpen Online Social Media ah ki thehthanggawp cih Fox pan kiza hi.
Hih Photo pen Lucy Hellein kici nupi khatin ama Facebook tungah a Post khiat ahihi. Atapa asuahkhiat ciil in akhut sungah naudalna IUD tawitetasa in akizaih Photo ahihi.
Facebook Post agelhkhiatna thulu pen “Mirena fail!” ci’n thulu piacitciat a, naudalna Mirena IUD azat hangin dalzolo cihna hi a, mi tultampi takin lamdangsa in Share ngeingai uhhi.
Lucy Hellein pen US gamsung aom Alabama State pan ahihi. Ta neihsawm nailo ahih manin abeisa August khasung in anumei vansung ah naudalna Mirena IUD koihsak hi.
Ahi zongin naudalna akoihzawh asawtlo December khasung in naupaai cih ki theikhia hi. Doctors te upmawhna ah naudalna Mirena IUD akoihkhitzawh kal 3 khitciangin agai hiding ci uhhi.
Naupaai laitak inzong Ultrasound kizaihzel himahleh, Ultrasound sungah tua naudalna Mirena IUD pen kimulo ahih manin Doctors te’n apualam ah kiakhia hiding in ummawh uhhi.
Lucy Hellein in ahihleh tua IUD pen a numeivan apualam ah apusuahlam theilo ahih manin, Doctors te genpen umzo taktaklo, pusuakloding cih ummawh gige hi.
Nau aneih ciangin anuai lampanin neilo a, ki at “Caesarean Section” hi. Aki atna panin Surgeon te’n naudalna IUD pen Placenta nungah aom mukhia uhhi. Tuahangin Ultrasound aki zaihhangin asuaklo kici hi.
Lucy Hellein inzong kheltat nadingin Idea khat ngah ahih manin, tua IUD pen naungek suakcil atano ii khutsung ah tawisak in Photo zaih citciat hi. Funny Photo in abawlngiat hi a, Social Media ah hih Photo pen aminthang mahmah, Viral Photo khat ahihi.
Ciamnuihna, kheltatna in anu in Facebook ah asuahsak cimawkven, hih naupang honggol leh alung akimdiam? Anu in naudalna azatpipi, kideihlo pipi in akineikha tawh akibangdiam? ZD Sawltak #zomidaily
Comment piaknop aomleh...