American Citizen khat North Korea gamsung ah kiman leuleu: Kim Hak-song

North Korea gamsung ah American Citizen khat matthuak leuleu cih Reuters pan kiza hi. North Korea leh USA pen tulaitak abuai dekdek laitak hi a, hih akiman American Citizen pen “Hostile Acts” tawh muanmawh in akiman cihi.

Hih akimantawh hileh North Korea gamsung ah American Citizen akimanpen mi 4 hitota hi. Tutung akiman pen Kim Hak Song kici a, Pyongyang University of Science and Technology ah asemlaitak khat ahihi.

DPRK (Democratic People’s Republic of Korea) in May 6 ni in American Citizen Kim Hak Song pen man uhhi ci’n KCNA News Agency in genkhia hi.

Nungdiak April khasung inzong North Korea te’n American Citizen khat man uhhi.

U.S. State Department te’n North Korea te’n agammi amatsakpen kathei uh ci’n genkhia uhhi. US Citizens gammi te bitna “Security” pen ko Department ii sepmasak dingin kakoih “Highest Priorities” khat uh ahihi ci’n State Department Official te’n genkhia uhhi.

North Korea gamsung ah US Embassy omlo ahih manin, thukhat lakhat aom ciangin Pyongyang khuapi aom Swedish Embassy tetawh kizomin US kumpi in avaihawmzel ahihi.

Tulaitak pen Pyongyang leh Washington pen tulaitak akigak mahmah laitak hisawnsawn hi.

North Korea gamsung aom Pyongyang University of Science and Technology (PUST) pen 2010 kumin Evangelical Christians te’n aphuatkhiat uh ahihi. Hih sanginn ah akahte pen North Korea gamsung panin mipil misiam phadiak teng ahi uhhi. Faculty Members sungah American gammi pawlkhat kihel kici hi.

Tulaitak Noth Korea gamsung ah mat athuak American Citizen tepen anuai ateng ahihi.

• Kim Hak-song – 06 May 2017 ni in kiman
• Tony Kim @ Kim Sang-duk – Tukum April khasung in kiman
• Kim Dong-chul – October 2015 kumin kiman
• Otto Warmbier – January 2016 kumin kiman

Akimat asawtkhin ahi Kim Dong Chul leh Otto Warmbier tepen thongkiatzah kumding pen thukhente’n genkhiakhin uhhi.

Related: North Korea khuapi Pyongyang City ah American gammi khat kiman: Tony Kim

Kim Dong Chul pen thusim kankhia “Espionage” tawh thu kibawl in nasepham “Hard Labour” tawh kum 10 thongkiading in thu akipia ahihi.

Otto Warmbier zong “Hard Labour” mahtawh kum 15 thongkiading in thu kibawlkhin hi. ZD Sawltak #zomidaily