Na suahtak nopleh maisak in ~ Dong Mung
Mikim in i nuntakna ah suakta takin nuntak kalsuan ding kilunggulh teka, ahi zongin thong sung khat ah kikia, ki-awk den hi. Tua thong in bang hiam?
Bang thong hiam cih leh- MAWH MAISAK LOHNA THONG ahi hi.
Mikim in i nisim nuntakna sungah ei tunga hong kibawl i thuak, i tuahnate hangin mawh maisak zawhlohna, thangpaihna, thukkik nopna THONG sungah i awk den hi. Tua THONG sungah nisim, naisim, hun simin i awk a, ei mahmah nangawn lungkia in i thanem mahmah hi.
Tua ahih manin na nuntakna nuam in maitaina tawh kidim nuntakna na ngah theih nadingin a kisam thubul lianpi khat om a, tua in MAWH MAISAKNA ahi hi.
Mawh maisakna icih pen i langte ading supna le baina omlo a, ei adingin metna lianpi ahih banah manpha mahmah hi.
Na tunga hong mawh, hong khial kha mite maisak lecin nang a suakta na hi-a, nuamtak a, a mainawt thei dingpen nang bek na hi hi.
Nisim na kiatna thong pan na suahtak nopleh na tunga hong mawh, hong khial kha mite maisak lecin na suakta ding hi….
Amau khialhna zong hikha ding; amau dikna zong hikha ding hi…Bangbang ahi zongin na suahtak nopleh maisak in..
Mawh maisakna icih pen midangte ading hilo a, ei mahmah ading suahtakna ahi hi…
Nuntak nuamin na nuntak theih nadingin nang tunga hong mawh hong khial mite maisak in.
Maisakna in thupha lianpi ahi hi. Na suahtak nopleh maisak in… Lungdam, Dong Mung September 21, 2018
Comment piaknop aomleh...