Zomi Music Talent Show USA pawipi lawhcing

Zomi Music Talent Show USA pawipi lawhcing

Abeisa November 10, 2017 ni-in FGA tulsa Biakinn pi ah Zomi Music Taleng Show USA pawipi kibawl in nuamtak kizo hi. Hih bang a akibawlna pen Zomi Sungah music lam ah i khantoh semsem na ding leh music tawh kisai a pahtawi huai te pahtawina ding ngimna ahi hi.

Tua pawipi pen 7:00 PM in kipan in 10:30 PM in kizo hi. Tua hun sungah Pa Laizom Kampu in pawipi kong honna hong neihsak hi.

Rev. Ngo Suan Thang @ Sia Thang Boih (ZBCM of Tulsa) thungetna tawh pawihun kipan hi. Sia Mung Tawng in Zomi Music Talent Show tup leh ngimna te pulakna hong nei hi.

Pu Lengtong Kam Khen & Lia Suih Lun te in announcer hongsem in pawi te kipan pah ziahziah hi. Tg. Kimpu7 in “Pasian Liansak Un” solo tumna tawh music tumna kipan hi. Music tum siam te in abanban in a kizom in hong tum ziahziah uh hi.

Pa Joseph Lian Bawi in lungdamkoh thugenna hong neih khit ciangin Pastor Hau Mung in sumpi donna ding hanthotna leh thungetna hong nei hi. Tuakhit ciangin music tumna kizom to leuleu hi. Music siam te in tawlkhat hong tumkhit ciangin zomi sungah music lam tawh kisai mi masa te pahtawi piakna tawh kizom hi.

Tua khit ciangin zin mangpi Pu Lengtong Kamkhen in “Music leh kipahsakna kilemlo” cih thu tawh hanthotna hong nei hi.

Hih pawipi sungah Suumpi, Cin Kap, Kappi leh FGA tulsa media team te, Lianpu leh Sianpi in ahoih thei pen dingin a kisam khempeuh hong hong geelsak in hong huh uh hi. Online ah hita leh amun ah hita leh etlawm mahmah, zaknop mahmah leh nuam kisa mahmah hi. Hih pawipi sungah man (Photo) Bawipi in hong zaih sak in etlawm mahmah hi.

Hih pawipi tawh kisai video a sawtlo in hong kikhak ding hi.

Zomi Music Talent Show ah Pahtawina A Kipia Teng

1. Dr. H. Chin Khen Mang “Zomi Pasal Radio Station Pan Lasa Masa Leh Dawng Tam Sa pen”

2. Lengtong Kam Khen “Mi Lungkimsak Siampa”

3. Pa En Khan Nang in “Zola Album Bawl Masa”

4. Pa Pum Za Dal “Zomi Sungah Guitar Tum Siam Masa”

5. Pa Pum Za Kap “Zomi Music Producer Sem Masa”

6. Pa Sing Za Mang “Zomi Sungah Kawlla Album Bawl Masa ”

7. Pastor Ning Khaw Hau “Zomi Numei Pan Radio Station Ah Zola Sa Masa”

8. Rev. Eddie Gin Hang “Zomi Sungah Pasal Radio Station Pan Mangla Sa Masa”

9. Rev. Gin Za Lian “Mangla Pan Zola Ah La Letkhia Masa”

10. Rev. Kam Khaw Thang “Zomi Sungah Dalpau Tawh Lasa Masa”

11. Rev. Khup Sian Mung “Zomi Sungah Drum Tum Masa Pen, Drum Tumkawm Lasak Thuah Leh Mangla sak Tawh Kivakna A Zongzo Masa”

12. Rev. Thawng Za Kim “Zomi Sungah Tualsuak Pasian Phatna La Dawng Tam A Phuak Masa”

Pahtawina piakhun khit ciangin music tumna kizom to leuleu in mipi te zong kuamah ciahlo in kingak dimdem hi. Pawi hong nuam semsem in tha kingah tektek hi. Music tum teng in hong tum khit ciangin anuai teng “Pahtawina” kipia hi.

Zomi Music Talent Show USA ah Music Tum Teng leh Pahtawina Piak Teng

• 1. Kimpu7 (Lead Guitar)
• 2. Lia Dimpi (Violin)
• 3. Khuppi(Bass Guitar)
• 4. Khup Tuang (Acoustic Guitar)
• 5. Langhno (Lead Guitar)
• 6. Nang Pau (Lead Guitar)
• 7. Tg. Pumpum (Keyboard)
• 8. Tg. Sangpi (Drum)
• 9. Tg. Sianpi (Piano)

Pahtawina hun aman ciangin Rev. Dr. Kham Khan Khai @ Sia Khaipi (MCC) in hunzawh thungetna leh zomi music uk te’ ading thunget sakna hong nei hi. Man (photo) kilakna hun tawh kizom to a, Zomi Music Talent Show USA pawipi nuamtak kizo hi.

Zomi Music Talent Show USA Committee Teng

Advisor: Rev. Kap Mang Hatlang
President: Rev. Khup Sian Mung @ Sia Mung Tawng

Secretary: Pa Nang Do Kam @ Laizomkam

• Pa Joseph Lian Bawi (Member)
• Sian Kip Cin @ Cinpu Zomi (Member)
• Pa Vum Lam Kam @ Kam (Member)
• Pa Kham Khan Suan @ Suanpu (Member)
• Lia Suan Ngaih Lun @ Suih Lun (Member)
• Mung Mung (Member)