Malaysia, JB ah pasal khatin mawtaw Horn atumsankhak manin temtawh dawtthuak

Malaysia, JB ah pasal khatin mawtaw Horn atumsankhak manin temtawh dawtthuak

Malaysia, Johor Baru ah mawtawhawl pasal khatin lamthukhun zuilo in amai ah alutsuk mawtaw khat Horn atumsanna hangin temtawh dawtgawp thuak cih Bernama pan kiza hi. Tua dawtgawp athuakpa pen Marketing Officer khat ahihi.

Hihvai tawh kisai in thunei ahi Johor Baru South district police chief ACP Shahurinain Jais in agenkhiatna ah Sunday zingsanglam 4am hunpawl in thupiang cihi.

Marketing Officer papen kum 40 gualpawl hi a, Jalan Datuk Abdullah Tahir lamzikpi tungah mawtaw tawh apailaitak ahihi.

Tuabangin apai laitak in Mercedes Benz mawtawkhat hong suakkhiavat in, ama lampizuih ii amailian ah lutsukziaumawk hi. Tuaciangin Marketing Officer inzong tua Mercedes Benz mawtaw pen Horn tumsan hi.

Tuabangin Horn aki tumsan ciangin Mercedes Benz sungah atuang pasal 2 te hehmahmah uh a, mawtawsung panin kumkhiapah uhhi. Tuaciangin Marketing Officer pa ii mawtawgei ah paiphei uh a, mawtawsung panin apualam ah apusuahkhiat nadingin thupia uhhi.

Tua Marketing Officer pazong mawtawsung panin pusuahloh phamawh ahih manin, apusuah khiatleh pasal 2 te lakah khatpa in temtawh nadawtpah lianhi. Agil, akhut leh apumpi muntuamtuam ah dawtsakgawp hi.

Tuakhit ciangin adang pasalpa inzong amaitang 3 veitak akhuttum tawh tuppheisak leuleu hi.

Tuabangin Mercedes Benz sungah atuang pasal 2 te’n uhamkhin, kum 40 aphakhinkhat zawhthawh thutawh abawlsiatgawp laitak uh Video Clip akizaihkha zong omin, Social Media ah ki thehzakpah zihziah hi.

NST te pulakna ah tua Marketing Officer ii a mawtawzat pen mawtawhoih atamman mahmah Ferrari mawtaw ci uhhi. Adawt mi 2 te lakah khatpa pen Chinese minam kici a, tuapa in temtawh agil, apumpi muntuamtuam adawtgawp ahihi.

Adang khatpa pen Indian ahih keileh Pakistani gammi hiding in ki ummawh a, tuapa in amaitang atupsakgawp ahihi.

More: Malaysia, Puchong ah zatuizang papi khatin kum 5 aphapan atapa temtawh satlum

Tuabangin abawlsiatkhit uhciangin taimang vingveng uh a, tulaitak Police te’n akansan laitak uh ahihi. Social Media tungah pawlkhat in Johor Baru pen “Cowboy Town” hi ci’n ciamnuihbawl uh a, pawlkhat in mawtaw Horn tumzong sihtheihna hi ci’n ki ciamnuihbawl hi. Malaysia gamsung ah thukhun zuilo in gitloh gamtatna tamlai mahmahmawk ahih manin, kidop siamding thupi mahmah hi. Sawltak #zomidaily