Myanmar leh Thailand gamgi kikal ah gamgicing galkapte’n kisinna bawlkhawm

Myanmar leh Thailand gamgi kikal ah gamgicing galkapte’n kisinna bawlkhawm

Myanmar leh Thailand gamnih kumpi thunei te vaihawmna tawh gamgidung ah kipawlkhawm in “Joint Border Patrol” neikhawm uh cih Bangkok Post pan kiza hi.

Moei River dungteng ah “Joint Border Patrol” aneikhawm uh hi a, hihbangin abawlkhopna adeihna bulpi ahihleh gamgi dungteng ah vankham Drug tuamtuam asemte betkhiattheih nading, Labour-trafficking daltheih nading, galvan tuamtuam “Military-grade Weapons” te matkhiattheih nading leh adang gitloh gamtatna “law-offending activities” te aomloh nading ngimna tawh abawlkhawm uh ahihi.

Hih “Joint Border Patrol” bawlkhopna ah Thailand lampanin Mae Sot-based 14th Infantry Regiment leh 35th Ranger Regiment galkapte leh Tha Song Yang-based provincial leh Border patrol police te kihelthei uhhi.

Myanmar gamlam panin Patrolmen akihelthei tepen 28th Battalion of the 22nd Division leh Karen border guard force (BGF) te kihelthei uhhi.

Hih “Joint Border Patrol” pen abeisa Sunday ni in aneihkhop uh hi a, Boat golpi te 4 zangin Tak’s Tha Song Yang district sung aom Ban Mae Salit Luang leh Moei River kikalteng, Tha Song Yang district sung aom Ban Mae Song sungteng ah kisinna nei uhhi.

More: Thai gamsung ah Boat khat puakkham in mi 16 liam

14th Infantry Regiment panin Commander khat ahi Col Asalaha Poonsuwan in agenkhiatna ah hihbangin gamnih kipawl in “Joint Border Patrol” akibawl pen gamgi dungteng ah vankham Drug asemte aomloh nading, thauzuak thaupua “Arms Smuggling” te aomloh nading, Labour Trafficking, Human Trafficking, Cross-border illegal Activities te aomloh nading ngimna tawh akibawl ahihi ci’n genkhia hi. Sawltak #zomidaily