Malaysia ah papisi khat atapa in hankuang sungah RM30,000 tawh vuikhawm

Malaysia ah papisi khat atapa in hankuang sungah RM30,000 tawh vuikhawm

Malaysia gamsung ah papikhat si in, aluanghawm akivuiding ciangin atapa in hankuang sungah RM30,000 leh pak honkhat koihin vuikhawm cih China Press te’n genkhia hi.

Tua RM30,000 tawh aki vuikhawm hankuang pen Photo kizaih in, Social Media tungah ki thehzak hi. Aki vuini pen January 16 ni hiding kici hi.

Photo sungah tua papipa ii hankuang sungteng RM50 Notes vive tawh adim phitphet in kiguang hi. Atapa in apa akhakna, kuasah in RM50 Notes bekbek, akigawm in dal 600 apuasak kici hi.

Tua RM30,000 tawh aki vuikhawm papipa ii hankhuk pen taih akiciang hilo bilbel in, leisung aki tosuk ahihi. Aki vuina hanmual pen Southern Selangor sung hiding kici hi.

Ahi zongin guta te’n akhuat khiatding ki patau ahih manin, hih RM30,000 tawh akiphumkhawm papipa ii hanmun pen akician in ki genkhialo a, thusim “Secret” in kikoih, kuamah ki genkhialo cih kiza hi.

More: Malaysia, Penang ah alu leh agilzang teng aomlo misiluang khat kimukhia

Hih hankhuk koiteng santak hidinghiam, suangkhuk tohsang in hih hankhuk tokhialeng ki tuahpha baihzaw khading hi 🙂 Sawltak #zomidaily