Muanpu leh Manno – 10
Manno leh Ciangsau tuikhuk ah tui tawi dingin hong kituah kha uh a, a tui kang ngak kawm un kihoho uh hi.
“Na lungnuam ta hia lawm Ciangsau?”
“Lungnuam taktak cih om thei nai kei veh aw lawm Manno”
“U Thangpu bel ki-awi taktak sam mate”
“Hilua… Mangnu in a deih khat pia hilo dia!”
“….hmmm….. aimah ve…. pasalte bel tua ci mawkmawk thei uh e.. nang u Thang deih pialo maw… he he…”
“Bang deih maw lawm Manno?”
“Thei samlo e”
“Tua leh nang na u Muanpu a deih pia maw?”
“Bang deih maw lawm Ciangsau”
“Thei samlo e, kei zong….”
Ha ha ha……
“Guai, i tui dawh hunta. Nang dawh masa o.”
“Hilo, nang dawh masa o..”
[Noh lawmta bangdia tui dawh mengmenglo….]
“Sorry Nu Kang, a thusiam kituh hive ung aw”
“Thusiam kituh in tui dawh kei le uh cin, noh nunga hong ngakte in bangci ding, dawh mengmeng…”
“Awle, dawh mengmeng nung ei”
“Hilua ei, numeite in na dawh mengmeng ding uh hi… na khempeuh ah maw…. ha ha…”
“Bang ka gen puatpuat e Pa Tawng… na tuibuk namsia tawh nong pau buaubuau a…”
“Numeite, dawh mengmeng…. ha ha ha….”
“Pa Tawng, nanga tawnglua, dawh nuam kei ung…. ha ha…..”
“Ha ha ha…… (a geia numei om khempeuh in Manno te lawmta nuihpih)”
Pa Tawng amah bek pasal ahih hang numeite ciamnuih kawmkawm veve in a naupuak tawh tuikhuk gal lamah pai phei hi…
“Lawm Manno, leitung pen i it pen te nangawn in hong it denlo thei himawk cih pen lamdangsa ing. Ken ka it pen hiven, banghanga kei hibanga u Thang in midang hong neihsan ahi tam?”
“Lawm Ciangsau aw, leitungah kuamah itna a kip a kho cih omlo hi. Pasian itna bek mah a kip, a kho, a siangtho hi. Mihing pen i lungsim eite hong bawlpa zahin picing zolo hi. Vasa nangawn ki banlo thei mawk hi.”
“Lawm Manno, nang zong u Muanpu in midang hong ngaihsan thei cihna hi mawle…”
“Cihna ai ve. Midang hong ngaihsan leh aw, ken midang zong kik lel ning. Kei hong it takpi a, hong ngak leh bel amah bek mah ngai den ning”
“Tua leh nang a deih pia maw?”
“………………”
(zop lai ding)
Hau Za Cin
Phuitong Liim
Comment piaknop aomleh...