Malaysia ah papi khatin atanu buan in naupaai, kha 7 phakhin

Malaysia ah papi khatin atanu buan in naupaai, kha 7 phakhin

Malaysia gamsung ah papi khatin kumkhatval sungbang atanu zawhthawhthu tawh luppihden (Rape) ahih manin, anunung ah palik te’n atheihciang mankhiata uh cih NST pan kiza hi.

A tanu pen tu’n kum 17 hita a, abeisa kumkhatval sungbang buanden ahih manin, tu’n naupaai in kha 7 phata cihi. Tua papipa pen nasep neilo, zunenekhat cisawnsawn hi.

Atanu pen sang kahzom nawnlo in Restaurant khatah nasem hi a, apa in nungkum July kha akipan zawhthawhthu tawh luppihden cihi.

Tuabang in aluppih ciangin anu zong om a, anu muhna mahah buanden cizen hi. Anu in amuh hangin bangmah cihseselo cisawnsawn hi. Kuching District Police thuneikhat ii genna ah Kampung Sinjan aom amau innsung, lupnakhan sungmah ah apa in abuanzel ci a, anuzong agei mahah alum cimawk hi.

Atanu in tuabang in bawlsiatna athuakzawh kumkhat aval ciangin naupaai sawnsawn a, anunung ah Police Report bawl ahih manin, tuaban in aki theikhiapan ahihi.

Tuni in anu leh apa Police te’n mankhia uh a, thukhenna thuakding uhhi. Apa pne kum 40, anupen kum 36 aphakhin uh ahihi.

Numeinu ii genna ah apa in hihbang in abuan ciangin kuamah agenlo nadingin thupia cihi. Anu inzong theihpih himahleh bangmah cihselo, awlmawhlo in omsanlel cihi.

Numeinu pen tu’n Sarawak General Hospital ah kikem a, siavuan te’n asitcian uhciang in naupaai cih mukhia uh a, kha 7 phakhinta cihi. ZD Sawltak #zomidaily