Myanmar in Pakistan pan galvanleng leisawm in abawlnading vai kihona neihpih

Myanmar in Pakistan pan galvanleng leisawm in abawlnading vai kihona neihpih

Feb. 3, 2017: Myanmar in 2015 in Pakistante tung panin JF-17 vanleng 16 lei ding kikupkhawmna (negotiation) a neih uh pen lawhcing pian ahih manin Kawlgam in a lei ding bek hilo in hih third-generation fighter bawl theihna ding (license) Pakistan in a phalna dingin kikupkhawmna nei lai uh a, kihona in mainawt to zel hi ci-in January kha kim pawlin Myanmar Air Force (MAF) ten IHS Jane’s-te kiangah gen hi.

JF-17 fighter pen single-engine combat aircraft hi a, Pakistan Aeronautical Complex (PAC) leh Chinate’ Chengdu Aerospace Corporation (CAC) kipawl in a bawl khop uh ahi hi. Kawlgam in a bawl theihna dingin Pakistan in phalna a piak leh Kawlgam in JF-17 bawl ta ding hi cihna suak hi.

MAF in a vanleng zat F-7M Airguard leh A-5C ‘Fantan’ combat aircraft pen China tung panin a lei hi a, lui lua ta ahih manin 1990s panin na zang mel nawn lo a, tuate laihna dingin JF-17 Thunder 16 a lei sawm banah a bawl sawm uh hi a, hong tung ding kum 10 tampi (coming decades) sung zat sawm hi. JF-17 pen Pakistan Air Force (PAF) ten nak zat mahmah uh a, 2009 panin 70 kiim PAF in zang hi. PAF in hih JF-17 fighter-te hong tung ding kumte ah 150 kiim PAFte zat dingin bawl beh sawm lai hi.

Kawlgam in Pakistan tung panin JF-17 Thunder fighters 16 a lei sawmte tu kum sungin MAF ten zat ding kilamen uh hi. JF-17 Block I variant kicite pen huih lakah vanleng dang khat panin a tui kithun thei (air-to-air refilling) hi. Min gen loh khatin Jane’s-te kiangah a genna ah Kawlgam in PACs Karma plant ah 2015 in JD-17 vanleng a lei sawmte pen Block II variant hi ding hi ci hi. Kawlgam in a bawl sawmte pen a hoih pen Block III variant kicite hi a, khat bek $32 million kiim man ding hi kici hi.

• JF-17 Block 1
• Role: Multirole combat aircraft
• National origin: China / Pakistan
• Manufacturer: Chengdu Aircraft Industry Group / Pakistan Aeronautical Complex
• First flight: 25 August 2003
• Introduction: 12 March 2007
• Status: In service
• Primary user: Pakistan Air Force
• Produced: In China: June 2007 – present
• In Pakistan: January 2008 – present
• Number built 70 (block 1); 33 (block 2)
• 250 (planned)
• Program cost: US$500 million
• Unit cost:
• Block 1: US$~25 million
• Block 2: US$ ~28 million
• Block 3: US$ ~32 million (Planned)

Behlapna:

Russia in sixth-generation fighter a bawlsan lak tak hi a, US in a design ding buaipih lai hi. Hih bangin Kawlgam in JF-17 Thunder multi-role combat third-generation aircraft 16 leina ding leh bawl theihna dingin Pakistan tawh kamkupna a neih pen galvan lamsang kidemna ah ziakai pian ta a, ahih hangin JF-17 fighter pen a sia hilo hi. Mual tung mite kapna dingin MAF in hong zat loh ding thupi ding hi. Tu hun ciangin fifth-generation gal vanleng zat leh bawl kidem hun ahi hi. Source: IHS Jane’s 360 and Wikipedia/ Thang Khan Lian