Siamsin Medical Trip To Langzang, Huhngetna lai

Dear Zomi pih akua mapeuh aw
Dam dingin hong lamen ungh. Siamsin lia le tg. te zong dam kim tek ungh.

Abeisa Siamsin Seminar VIII ,2014 lai in thukimna aom mah
bangin hong tung ding April 13-17, 2015 sungin Siamsin Medical Trip to
Langzang khua Tedim gam ah pai dingin vai lianpi kinei ahih man-in
sumtha tawh ma nong panpih nading itna lianpi tawh Zomi Siamsin
Kipawlna-Myanmar in huhna ko’ng ngen uh hi.

Tg. Lian Suan Piang
General Secretary
Zomi Siamsin Kipawlna
Myanmar
09259185056,0936418155

ATHU : SiAMSiN Trip TO lANGZANG 2015 ADiNG HUHNGETNA

Thupatna :
Zogam mun tuamtuam ah kizopna lampi leh kizopdan haksatna, thutheihna ziakaina, thumuhna atawmna ,nek le dawn haksatna, sum leh pai kicin lahna, nuntak haksatnate hangin damlo pipi in lo ah kuanin gilkial ciangin
kawngah puan-ak henin gilkial thuaksa a, lokho in natna satna thuakhun ciangin siavuan/siamah te ahihkeileh 00siamsin Tedim
khuapi leh a dang munte ah kilak zoloin gum thuak in anungta i mipihte pawlkhat om a, tua pawlkhatte lakah mi
pawlkhat in sihlawh uh hi. Zomi pawlkhat in anat asat hun uh ciangin a hoih leh a muanhuai mahmah zato te ah kilak
in cidamna azon laitak un Zomi pawlkhat in anat asat kawm un lokho,singpua in a om uh hi. Natna satna a thuak uh
ciangin adon thei akhoi thei cidamna lamah thu athei leh asiam mi a omloh manin natna a lel Zomi pawlkhat Zogam
nawl tuamtuam ah omlai hi. Tua bek hilo in thumuhna leh khuamuhna atawm manin nuntakna ah mavan zawhzah
ding mavanglo in minuai ah ki om hi. Zomi Siamsin Kipawlna-Myanmar in Zogam nawl tuamtuam ah a om Zomipihte phattuamna dingin tu in Tedim gam langzang khua ah April 13-17, 2015 ciangin a khongin cina etna leh siamna
tuamtuam hilhna SiAMSiN Trip pai dingin ngimna le gelna ka nei uh hi.

Ngimna

* Zogam mun tuamtuam ah a om Zomite’ cidamna dinmun(standard) a sang zawk na ding .
* Zomi te’n cidamna a manphatna leh a thupitna te thei in cidamna tawh a kituak in nuntak theih na ding.
* Cidamlo ten cidamna a ngah theih na ding .
* Zatuilam Siamsinte in Zogam mun tuamtuam ah a om Zomite’ omdan ,nekdan ,dawndante thei in Zomi itna
lungsim a khan theih zawk na ding.
* Zomi khangno ten Zomi zatuilam Siamsinte en in a hanciam zawk na ding .
* Zogam mun tuamtuam ah a om Zomite in tuhun paizia mu in, delh zo in a zuihzawh na ding .
* Zomi khangnote pilna le siamna muhnate akhantoh zawk na ding.

Note: Anuai a PDF lim tungah namek lecin Download kullo in ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.

Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…